كوكپار ويىنى –  ارنايى اككرەديتتەۋدەن وتكەن، ق ر مادەنيەت جانە سپورت مينيسترلىگىنىڭ جىلدىق كۇنتىزبەلىك جوسپارىنا ەنگىزىلگەن سپورتتىق ويىن ءتۇرى. كوكپاردان جىل سايىن ەرەسەكتەر، جاستار جانە جاسوسپىرىمدەر اراسىنداعى قازاقستان چەمپيوناتى تۇراقتى وتكىزىلەدى. قازىرگى كەزدە ەلىمىزدە كوكپارشىلاردىڭ 16 ەرەسەكتەر، 16 جاستار جانە جاسوسپىرىمدەر كومانداسى بار.

كوكپاردان 2013 جىلى 11 مەملەكەت كومانداسى قاتىسقان ازيا چەمپيوناتى ۇيىمداستىرىلعان. ال، 2017 جىلعى تامىز ايىندا كوكپاردان ءى الەم چەمپيوناتى وتكىزىلمەكشى.

بۇعان دەيىنگى ۋاقىتتا كوكپار ويىندارى ءۇشىن ءار جارىسقا بىرنەشە ءتىرى ەشكى-سەركەلەر سويىلىپ، جارىستا سول باس-سيراقتارى الىنىپ تاستالعان ەشكىلەر قولدانىلاتىن. بيىلعى جىلدان باستاپ بارلىق كوكپار ويىندارىنا جاساندى سەركەلەر تالاپ ەتىلە باستادى.

توقتاربەك كاكىم 2013 جىلدان باستاپ وسى جاساندى سەركەنى ءار ءتۇرلى ماتەريالداردان جاساپ ۇلتتىق سپورت ماماندارىنا بىرنەشە مارتە ۇسىنىپ كوردى.  سوڭعى جاسالعان جاساندى سەركە ۆاريانتتارىنىڭ ءبىرى 2016 جىلى وتكەن «تۇركى حالىقتارىنىڭ ءداستۇرلى سپورت تۇرلەرى حالىقارالىق قاۋىمداستىعىنىڭ» حالىقارالىق سەمينار-كەڭەسىندە تالقىلانعان.

سوڭعى رەت شىلدە ايىنىڭ 14ء-ى كۇنى استانا قالاسىنداعى «قازانات» يپپودرومىندا وتكەن  ۇلتتىق سپورت ماماندارىنىڭ ساراپتاۋىنان ءوتىپ، كوكپار ويىنىنا تولىق جارامدىلىعى ماقۇلداندى. الداعى ۋاقىتتا  ق ر ۇلتتىق سپورت تۇرلەرى قاۋىمداستىعى ارقىلى توقتاربەك كاكىم جاساعان جاساندى سەركەگە تاپسىرىس بەرىلە باستايدى.

جاساندى سەركەنىڭ سيپاتتاماسى:

ماتەريالى – كاۋچۋك جانە شىنجىر تەمىرلەر.

كاۋچۋك – جۇڭگو جانە اقش مەملەكەتتەرى وندىرگەن ماتەريالدار قوسىندىسى.

قاتتىلىعى – 40-50 پايىزدىق مولشەرىندە.

ءار جاساندى سەركەنىڭ سالماعى – 22 كەلى مەن 35 كەلى ارالىعىندا.

ەرەكشەلىگى — يىلگىش، باتپايتىن قاسيەتكە يە.

ەرلان تولەۋباي