قازاقستاننىڭ سىرتقى ىستەر ءمينيسترى قايرات ءابدىراحمانوۆ وزبەكستاننىڭ سىرتقى ساياسي ۆەدومستۆوسى باسشىسىنىڭ ورىنباسارى سايديكرام نيازحودجايەۆتى قابىلدادى دەپ حابارلايدى Qamshy.kz اقپارات اگەنتتىگى ق ر سىرتقى ىستەر مينيستىرلىگىنىڭ باسپا ءسوز قىزمەتىنە سىلتەمە جاساي وتىرىپ.
سۇحباتتا قازاقستان مەن وزبەكستان اراسىنداعى ىنتىماقتاستىقتى دامىتۋدىڭ وزەكتى ماسەلەلەرىن، سونىن ىشىندە اعىمداعى جىلدىڭ ناۋرىز ايىندا وزبەكستان پرەزيدەنتى شاۆكات ميرزيويەۆتىڭ قازاقستانعا مەملەكەتتىك ساپارىنىڭ قورىتىندىلارى بويىنشا قول جەتكىزىلگەن ەكى ەل كوشباسشىلارىنىڭ ۋاعدالاستىقتاردىڭ ىسكە اسىرۋ بارىسىن تالقىلادى.
س. نيازحودجايەۆ ءمينيستردى وزبەكستان ەلشىلىگىنىڭ الماتىدان استاناعا كوشۋى جونىندە قابىلدانعان شەشىم جانە ديپلوماتيالىق وكىلدىك عيماراتى كەشەنىنىڭ قۇرىلىسى باستالعانى تۋرالى اقپاراتتاندىردى.
تاراپتار سونداي-اق الداعى ءتۇرلى دەڭگەيدەگى ەكىجاقتى بايلانىستاردىڭ جانە ورتالىق ازياداعى حالىقارالىق ءىس-شارالاردىڭ كەستەسىن قاراستىردى.
