قازاقستان رەسپۋبليكاسىندا مەديسينالىق قىزمەت كورسەتۋ قاعيدالارىن بەكىتۋ تۋرالى قازاقستان رەسپۋبليكاسى دەنساۋلىق ساقتاۋ ءمينيسترىنىڭ بۇيرىعىنا قول قويىلىپ، زاڭدى كۇشىنە ەندى، دەپ حابارلايدى Qamshy.kz اقپارات اگەنتتىگى دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىدتەمە جاساپ.

جەدەل مەدقىزمەتتەر (بۇدان ءارى - جمق) تۋرالى جاڭا مەديسينالىق بۇيرىق قازاقستان رەسپۋبليكاسىنىڭ حالقىنا جەدەل جانە شۇعىل مەديسينالىق كومەك كورسەتۋدىڭ سارالانعان ءتاسىلىن ۇسىنادى.

جەدەل شاقىرتۋلار ساناتتارى بويىنشا بەلگىلەرىنە (سيندرومدارىنا) قاراي وڭتايلاندىرىلعان جانە توپتاستىرىلعان. اتاپ ايتقاندا:

- 1ء-شى كاتەگوريا: پاسيەنتتىڭ ومىرىنە تىكەلەي ءقاۋىپ توندىرەتىن، شۇعىل مەديسينالىق كومەك تالاپ ەتىلەتىن جاعدايدا. بريگادانىڭ كەلەتىن ۋاقىتى 10 مينۋتقا دەيىن؛

-  2ء-شى كاتەگوريا: پاسيەنتتىڭ ومىرىنە ىقتيمال قاتەر توندىرەتىن،  مەديسينالىق كومەكسىز جاعداي. بريگادانىڭ كەلەتىن ۋاقىتى 15 مينۋتقا دەيىن؛

- 3ء-شى كاتەگوريا: پاسيەنتتىڭ دەنساۋلىعىنا ىقتيمال قاتەر توندىرەتىن،  مەديسينالىق كومەكسىز جاعداي. بريگادانىڭ كەلەتىن ۋاقىتى 30 مينۋتقا دەيىن؛

- 4ء-شى كاتەگوريا: پاسيەنتتىڭ جاعدايى ءجىتى اۋرۋلارى نەمەسە سوزىلمالى اۋرۋلاردىڭ اسقىنۋىمەن، كەنەتتەن جانە ايقىن كورىنگەن اعزالار مەن جۇيەلەردىڭ بۇزىلۋىمەن كورىنەتىن، ناۋقاستىڭ دەنساۋلىعىنا جانە ومىرىنە تىكەلەي ءقاۋىپ جوق جاعدايدا. بريگادانىڭ كەلەتىن ۋاقىتى 60 مينۋتقا دەيىن.

مىنانى نازارعا الۋ كەرەك، ءبىرىنشى 3 كاتەگوريا  جەدەل مەديسينالىق كومەك ستانسياسى دەڭگەيىندە كورسەتىلەتىن بولادى، ال 4 كاتەگوريا ەمحانالارداعى جەدەل مەديسينالىق كومەك بولىمشەلەرى دەڭگەيىندە كورسەتىلەدى، ياعني ەمحانا دەڭگەيىندە جەدەل مەديسينالىق كومەك كورسەتەتىن بولىمشەلەر تاۋلىگىنە 24 ساعات بويى شاقىرتۋلاردى قابىلدايتىن بولادى.

بۇل جاڭاشىلدىق شۇعىل كومەك كورسەتۋدىڭ 3 كەزەڭى ارقىلى گوسپيتالعا دەيىنگى ءولىم-جىتىمدى تومەندەتۋگە باعىتتالعان:

- زارداپ شەگۋشىگە العاشقى كومەك كورسەتۋ بريگاداسىنىڭ كەلۋىنە دەيىن، جەدەل مەديسينالىق كومەك؛

- جەدەل جاردەمدى فەلدشەرلىك/دارىگەرلىك بريگادالارمەن كورسەتۋ،

- ستاسيونارلاردىڭ اۋرۋلاردى قابىلداۋ بولمەسى دەڭگەيىندە مەديسينالىق كومەك كورسەتۋ.

جاڭا بۇيرىققا سايكەس، العاشقى كومەك بريگاداسىنىڭ كەلۋىنە دەيىن جەدەل مەديسينالىق كومەك مەديسينالىق ءبىلىمى جوق ادامدارمەن كورسەتىلۋى مۇمكىن: پوليسيا قىزمەتكەرلەرى، پاترۋلدىك قىزمەت، ءبىلىم بەرۋ، كولىك، ونەركاسىپ كاسىپورىندارىنىڭ، الەۋمەتتىك سالا جانە ت. ب.

سونداي اق، وسى بۇيرىقتىڭ جاڭا فورماتىندا ستاسيونارلاردىڭ اۋرۋلاردى قابىلداۋ بولىمىندە پاسيەنتتەردىڭ ترياج-سۇرىپتاۋىن كۇشەيتۋ جانە ولاردى كەز كەلگەن پاتولوگيامەن قابىلداۋ ۇسىنىلادى.

قابىلداۋ ءبولىمى دەڭگەيىندە ۋاقتىلى شۇعىل مەديسينالىق كومەك كورسەتۋ، قاجەت بولعان جاعدايدا، پاسيەنتتەردىڭ جاي-كۇيىن تۇراقتاندىرۋعا دەيىن العاشقى رەانيماسيالىق جانە وزگە دە ءىس-شارالاردى كورسەتۋ ءۇشىن جاڭا دارىگەرلىك ماماندىق-قابىلداۋ ءبولىمىنىڭ دارىگەرى («emergency doctor») ەنگىزىلگەن.

وسىلايشا، رەسۋرستاردى ۇتىمدى ءبولۋ ەسەبىنەن جاڭا رەفورمانىڭ ناتيجەسىندە:

- پاسيەنت ۋاقتىلى جانە ساپالى مەديسينالىق كومەك كورسەتۋدى؛

- مەديسينالىق ۇيىم - كادرلىق رەسۋرستاردى جانە ەمدەۋ-دياگنوستيكالىق جابدىقتاردىڭ نەعۇرلىم ءتيىمدى جانە ۇتىمدى پايدالانىلۋىن، سونداي-اق ۋاقتىلى جانە ساپالى مەديسينالىق قىزمەتتەردى كورسەتۋگە قاناعاتتانۋ دەڭگەيىن ارتتىرۋدى؛

 - مەملەكەت - گوسپيتالعا دەيىنگى ءولىم-جىتىم دەڭگەيىن تومەندەتۋدى جانە كۇتىلەتىن ءومىر ءسۇرۋ ۇزاقتىعىن ۇلعايتۋدى الادى.