كۇن باتارەياسىندا ۇشاتىن العاش ۇشاقتى ويلاپ شىعارۋشى بەرتران پيككار ونىنشى «كليماتتى وزگەرتۋ ماسەلەلەرىنە ارنالعان ەنەرگەتيكالىق شەشىمدەر» كونفەرەنسيانىڭ ارنايى قوناعى بولادى دەپ حابارلايدى Qamshy.kz اقپارات اگەنتتىگى. كونفەرەنسيا 21 جانە 22 تامىزدا «استانا ەكسپو-2017» حالىقارالىق مامانداندىرىلعان كورمەنىڭ – «بولاشاق ەنەرگياسى» فورۋمىنىڭ ورتالىق قىزمەتتىك ءىس-شاراسىنىڭ شەڭبەرىندە وتەدى. ونىنشى كونفەرەنسيانىڭ سەرىكتەستىكتەرى LOGA Group جانە To Do School بولادى.
كونفەرەنسيانى جوعارى شەندى قوناقتاردىڭ قاتىسۋىمەن پلەنارلىق سەسسيا اشادى. استانا قالاسىنىڭ اكىمى اسەت يسەكەشيەۆ، «KAZENERGY» قاۋىمداستىعىنىڭ ءتوراعا ورىنباسارى ۇزاقباي قارابالين، «استانا ەكسپو-2017» ۇك اق باسقارما ءتوراعاسىنىڭ ءبىرىنشى ورىنباسارى الىشەر پىرمەتوۆ، «KAZAKH INVEST» باسقارما ءتوراعاسىنىڭ ورىنباسارى نۇرسۇلتان جيەنبايەۆ، ق ر ەكونوميكاسىنىڭ ۆيسە-مينيسترى رۋسلان دالەنوۆ، «اتامەكەن» ق ر كاسىپكەرلەرىنىڭ ۇلتتىق پالاتاسىنىڭ باسقارما ءتوراعاسى اباي مىرزاحمەتوۆ، ستەنفورد ۋنيۆەرسيتەتىنىڭ ەنەرگەتيكالىق ساياسات پەن قارجىنى زەرتتەۋ بويىنشا ستايەر-تەيلور ورتالىعىنىڭ عالىمى مەن وقىتۋشىسى دجەففري بولل قاتىسادى دەپ كۇتىلۋدە. جۇرگىزۋشى وكسفورد ۋنيۆەرسيتەتىنىڭ Smith School تۇراقتى قارجىلاندىرۋ باعدارلاماسىنىڭ نەگىزىن قالاۋشى بەن كالدەكوتت بولادى.
پيككار مىرزا «پروگرەسس جانە تۇراقتىلىق» تاقىرىبىنداعى باياندامامەن ءسوز سويلەيدى. جۇبايى ميشەلمەن بىرگە بەرتران پيككار Solar Impulse جوباسىن ويلاستىردى. Solar Impulse ۇلكەن تانىمالدىلىققا يە بولدى جانە تازا تەحنولوگيالار مەن ەنەرگيا تيىمدىلىكتىڭ پايداسىنا ساياسي ارەكەتتەردى ىنتالاندىرۋ مەن قوعامنىڭ حاباردار بولۋىن كوتەرىپ، پروگرەسس پەن تۇراقتىلىق ءۇشىن پلاتفورما بولىپ كورىنەدى.
ونىنشى كونفەرەنسيا ستارتاپتارعا ارنالعان جانە جاڭا ەنەرگەتيكا سالاسىندا بيزنەسىن قۇراستىرىپ جاتقان جاڭا كاسىپكەرلەرگە باعىتتالعاندىعىن اتاپ كەتكەن ءجون.
قاتىسۋشىلاردى جاڭارتپالارعا، كاسىپكەرلىككە جانە تابىستى بيزنەسكە ارنالعان الەمدىك ءبىلىم پلاتفورماسى، The DO School كوورديناتورلارى مەن ساراپشىلارىنىڭ جەتەكشىلىگى استىندا كليماتتى وزگەرتۋ ماسەلەسى بويىنشا بەس تاپسىرمانى شەشۋ ۇستىندەگى توپتىق جۇمىستار كۇتۋدە. The DO School بولاشاق ەنەرگياسىن دامىتۋ مەن جاڭا شەشىمدەردى ىزدەۋ ءۇشىن جەتەكشىلەردى، جاڭالىق تابۋشىلاردى جانە ساياسي كوشباسشىلاردى بىرىكتىرەدى.
قاتىسۋشىلار الدىندا قالا ءومىرىنىڭ جاعدايلارىن جاقسارتۋعا جانە ينۆەستيسيالار تۇجىرىمدامالارىنا قول جەتىمدىلىككە، تۇراقتى دامۋ سالاسىندا جەرگىلىكتى باستامالاردا حالىقارالىق كومپانيالاردىڭ قاتىسۋىنا جاردەمدەسۋگە، اۋىلدىق اۋماقتاردا جەل تۋربينالارىن پايدالانۋعا، سونىمەن بىرگە دامىعان ەلدەردە جاسىل جانە قايتا قالپىنا كەلەتىن ەنەرگيانى تاراتۋ بويىنشا قوعامدىق پىكىرگە ىقپال ەتۋگە سەپتىگىن تيگىزەتىن ءبىرقاتار ءىس-شارالاردى جوبالاۋ تاپسىرمالارى بار.
كونفەرەنسيا بارىسىندا حالىقارالىق جانە قازاقستاندىق ساراپشىلار ەنەرگيا تيىمدىلىك سالاسىنداعى جاڭارتپالاردى ەنگىزۋ ماسەلەلەرىن، كليماتتىڭ وزگەرۋ ماسەلەلەرىن، بولاشاق ەنەرگياسىنىڭ دامۋىنداعى الەۋمەتتىك مەكەمەلەردىڭ ءرولىن، تازا ەنەرگەتيكانى قارجىلاندىرۋ ۇلگىلەرىن جانە ءومىر ساپاسىنا قايتا قالپىنا كەلتىرىلەتىن ەنەرگەتيكانىڭ ىقپال ەتۋ قىرلارىن تالقىلايدى. سوڭىندا بەن كالدەكوتت قورىتىندىلاردى ناتيجەلەپ، نەگىزگى پىكىرلەردى تۇيىندەيدى، ولار «استانا ەكسپو-2017» قۇندىلىقتار مەن ۇستانىمدار مانيفەستىنە ەنگىزىلەتىن بولادى. قۇجاتتا فورۋمنىڭ 12 سەرياسىنىڭ ارالىعىندا جوبالانعان نەگىزگى ۇسىنىستار، شەشىمدەر، جاڭارتپالار مەن شارالار بەكىتىلەتىن بولادى. ول بارلىق ءىس-شارانىڭ مۇراسى عانا بولماي، حالىقارالىق ەنەرگەتيكالىق ۇلاسۋدىڭ ىرگەتاسىنا اينالادى.
ايتا كەتەيىك، «بولاشاق ەنەرگياسى» فورۋمى ءوز جۇمىسىن استانا قالاسىندا 2017 جىلى 29 ماۋسىمدا باستادى جانە ءقازىردىڭ وزىندە حالىقارالىق ەنەرگەتيكالىق ريەۆاليۋسيانىڭ وزەكتى ماسەلەلەرىن تالقىلاۋعا ارنالعان ءتيىمدى الاڭ رەتىندە ءوزىن-وزى تانىتتى. فورۋم شەڭبەرىندە جوسپارلانعان 12 سەريانىڭ 9 ءوتتى. باعدارلاما الۋان ءتۇرلى جانە پانەلدى تالقىلاۋلاردان، پىكىرتالاستاردان، باياندامالاردان، جۇمىس توپتارىنان تۇرادى.
