اقش پرەزيدەنتى دونالد ترامپ تامىز ايىنىڭ سوڭىندا قازاقستانعا ەكسپو-2017 حالىقارالىق مامانداندىرىلعان كورمەسىنە قاتىسۋ ءۇشىن پرەزيدەنت دەلەگاسياسىن جىبەرەدى. دەلەگاسيا مۇشەلەرىنىڭ ءتىزىمى اق ءۇيدىڭ رەسمي سايتىندا جاريالاندى دەپ حابارلايدى kazinform.kz-كە سىلتەمە بەرىپ Qamshy.kz اقپارات اگەنتتىگى. «بۇگىن پرەزيدەنت دونالد ترامپ 2017 جىلدىڭ 28 تامىز كۇنى استانا قالاسىنداعى «بولاشاق ەنەرگياسى» ەكسپو حالىقارالىق مامانداندىرىلعان كورمەسىنە قاتىسۋ ءۇشىن قازاقستان رەسپۋبليكاسىنا ساپار شەگەتىن پرەزيدەنتتىك دەلەگاسيانى تاعايىندادى»، - دەلىنگەن اق ءۇيدىڭ باسپا ءسوز پاراعىندا.
باسپا ءسوز مالىمەتتەرىنە سايكەس، ەنەرگەتيكا ءمينيسترى ريك پەرري دەلەگاسياعا باسشىلىق ەتەدى. سونداي-اق، ونىڭ قۇرامىندا قازاقستانداعى اقش ەلشىسى دجوردج كرول، كونگرەسسمەن كيەۆين كرامەر، اقش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسىنىڭ ورىنباسارى ليزا كەرتيس، General Electric جانە Overseas Private Investment Corporation وكىلدەرى بار.
