2009 جىلى قۇرىلعان الاش ۇلى توبىنىڭ اندەرى مەن بەينەباياندارى بۇگىندە قازاق دالاسىنا كەڭىنەن تارالعان. «بىزدە ءبارى قازاقشا» دەپ ءان شىرقاپ جۇرگەن اتالمىش توپتىڭ ەرتەڭ، 18 تامىزدا «پاي-پاي-پاي» انىنە تۇسىرىلگەن جاڭا بەينەبايانىنىڭ تۇساۋى كەسىلەدى. بۇل تۋرالى گاككۋ ارناسىنىڭ ينستاگرامداعى پاراقشاسىندا حابارلاندى. العاشقى بىرنەشە سەكۋندتارى عانا كورسەتىلگەن بەينەباياننىڭ ءۇزىندىسى جەلى قولدانۋشىلارى اراسىندا ۇلكەن داۋدىڭ تۋۋىنا سەبەپ بولدى.

گاككۋ ارناسىنىڭ پاراقشاسى جاريالاعان بەينەباياننىڭ ءۇزىندىسى 2 كۇن ىشىندە 45 مىڭ كورىلىم جانە 400-گە جۋىق پىكىر جيناپ ۇلگەردى. ەڭ قىزىعى، حالىقتىڭ كوبى بەينەبايان ارقىلى الاش ۇلى جىگىتتەرىن بۇگىندە قوعامدى دۇرلىكتىرگەن Ninety one توبىمەن «شايقاستىرىپ» قويىپ، ەكى جاقتى پىكىر قالىپتاستى. سول پىكىرلەردى Qamshy.kz اقپارات اگەنتتىگىنىڭ ءتىلشىسى وقىرمان نازارىنا ۇسىنۋدى ءجون كوردى.

«اتاعىڭ شىقپاسا، Ninety one-دى ءسوز ەت...»   

Kmusul:  پيار كەرەك بولسا، ايتەۋىر Ninety one توبىنىڭ ارقاسىندا تانىلامىن دەپ وتىر عوي بۇلار. اندەرىنىڭ ساپاسىز ەكەنى وتىرىك پە؟ تانىلسا، باياعىدا جەر جارار ەدى»، دەپ پىكىر قالدىردى Ninety one توبىنىڭ فان پاراقاشسى.

Kazhymukan_yerzhan: الاش ۇلى، ءوز ابىرويلارىڭىزدى توكپەڭىزدەر. ك-پوپتى توقتاتا المايسىڭدار! 

Baidos_r: توي انشىلەرى ءوز رەيتينگتەرىن كوتەرۋ ءۇشىن دۇرىس ەمەس باعىتتى تاڭدادى. وزگە ارتىستەرگە سوقتىعىسپاي-اق مۇنى جاساۋعا بولار ەدى. ءبىراق شابىتتارىڭىز سارقىلعان سەكىلدى.

Aisha_95: 91 توبىن مەڭزەپ تۇرعانىن كەز كەلگەن ادام بىلەدى عوي. باسقا ەشتەڭە تابا المادىڭدار ما؟ ءقازىر بىزدە ەلگە تانىلعىڭ كەلسە، Ninety one توبىن جامانداي سالادى. ماسقارا. بۇل جەردە Ninety one توبى جايلى ايتىلماعان. شىنىمەن Ninety one توبى تۋرالى بولسا، ءان ءبارىبىر حيت بولمايدى.

Aida-86: كەرەمەت! اركىمدى ءوز ورنىنا قوياتىن كەز كەلدى. اسىرەسە، بويانىپ الاتىن ەركەكتەردى...

Sara.46: اسىعا كۇتەمىز! ك-پوپتىڭ اندەرى جامان دەمەيمىن، ءبىراق ءوز ستيلدەرىن وزگەرتسە ودان دا جاقسى بولار ەدى. ەح، قازاقتار-اي، قايدا ەلىكتەپ بارا جاتسىڭدار؟ قايتا ءبىز باسقا ەلگە جۇرتقا ەلىكتەمەي ءوزىمىز باسقالارعا ۇلگى بولۋىمىز كەرەك. ار-نامىستى ەرلەرىمىز قايدا ەكەن؟» دەدى _zhalgasbaeva ەسىمدى جەلى قولدانۋشىسى.

 Moldir.makmudaeva: قازاقتىڭ ناعىز ونەرىنە قىزىقپاساڭىزدار، حالىقتى دۇرلىكتىرگەن جاس ك-پوپەرلەر ءۇشىن تىرەلۋدىڭ قاجەتى جوق. ءوز باسىم الاش ۇلى توبىنىڭ اندەرىن توپ قۇرىلعالى تىڭدايمىن. كوبى Ninety one توبىنا بەرىلگەنى سونشالىق، قازاقتىڭ ناعىز ونەرىن تانىماي جاتىر. ەگەر ونەردەگى مودەرنيزاسيانى تاڭداساڭىزدار، وعان قارسى كۇش مىندەتتى تۇردە شىعاتىنىن ەستەرىڭىزدەن شىعارماڭىزدار. ناعىز ونەر يەلەرى ەشكىمگە ەشتەڭەنى دالەلدەمەيدى. ولار ءۇشىن قوعامنىڭ مويىنداعانى ماڭىزدى ەمەس، ءبارى شىن جۇرەكتەن شىعىپ جاتقان ارەكەتتەر.

Aknur_toishybai: جارايسىزدار، الاش ۇلى توبى! وزەكتى تاقىرىپتى قولداپ وتىر ەكەنسىزدەر. قازاقى بولىپ، ويۋلى كيىم كيمەسە دە، جۇرەگى قازاق بولىپ تۇرسا، ونىڭ ءوزى ءبىر عانيبەت!

Akhanovaerkezhan: الاش ۇلى توبى ناعىز سەرىلەردىڭ جالعاسى. ولارعا قاراساڭ، مىنە قازاق دەگەن ۇلى حالىقتىڭ ۇرپاقتارى، جىگىتتەرى دەپ ايتۋعا بولادى. تۋىندىلارىڭىز وتە كەرەمەت. كىم نە دەسە دە، Ninety one توبىن كورگەندە، اۋرۋ ادامدى كورگەندەي بولاسىڭ. الاش ۇلدارىنا ەشكىم جەتپەيدى!

youmylovee: ءبارى ءار ادامنىڭ ويىندا نە بارىنان، قالاي وي ويلايتىنىنان باستالادى. بىردەن جامان ويلاۋدىڭ ەش قاجەتى جوق. ول جاي كليپتىڭ سيۋجەتى سولاي، ءاننىڭ مۇلدە شايقاس، ايقاسقا قاتىسى جوق. (ەگەر تىڭداپ، تاتىپ كورگەن بولساڭىزدار ارينە) جانە كىمنىڭ قالاي جۇمىس جاساپ جاتقانىن كوزبەن كورمەي تۇرىپ، بىردەن ءسوز سويلەۋ دۇرىس ەمەس دەپ ويلايمىن. مەنىڭ بىرەۋدى ماقتاپ، بىرەۋدى داتتايىن دەگەن ويىم جوق. ءبىراق دۇرىس ەمەس جەرلەرىن ايتايىن دەگەن ەدىم. الاشۇلىن سىزدەر، جاستار تانىماعان شىعارسىزدار، ءبىراق ولاردى جۇرتتىڭ كوپشىلىگى تانيدى، حيت اندەرى جەتەرلىك، ءوز تىڭدارماندارى دا مول. ولاردىڭ ەشكىمگە قارسى شىعايىن دەگەن ويى جوق. جانە ولاردىڭ اندەرىنىڭ ساپاسىز ەكەنىن قايدان بىلەسىز؟ ءسىز ولاردىڭ اندەرىنىڭ جازىلۋىنا قاتىسىپ كورىپپەدىڭىز؟ Ninety one توبىنا ءان جازاتىن ادام، بۇل كىسىلەرگە دە جازادى، (ەستىگەن، بىلگەندەرىڭىز بولسا). جانە گاككۋ ارناسى نە ءۇشىن جىبەردى دەيتىندەي، سىزدەر گاككۋدىڭ باسشىلىعى ەمەسسىزدەر. بىلەتىن بولساڭىزدار، كەيبىر تىڭدارمانى جەتەرلىك انشىلەردىڭ بەينەباياندارى وتپەي قالعان. گاككۋ ساپاعا قارايتىنىنا راحمەت. ءيا، مەندە Ninety one-دى تىڭدايمىن. تەك ايتارىم بىلمەيتىن نارسەلەرگە وتىرىپ الىپ سىن ايتۋدىڭ قاجەتى جوق. سىزدەر ونداي سوزدەرىڭىزبەن تەك قانا ءبىر ۇلكەن توپتىڭ ەڭبەگىن جوققا شىعارىپ قوياسىزدار. جانە ەگەر الاش ۇلىن تانىمايتىن بولساڭىزدار، ءتىپتى ولار تۋرالى بىردەڭە دەپ وتىرىك نارسە ايتا سالۋعا وتە ەرتە.

Instagram قولدانۋشىلارىنىڭ پىكىرىن ەسكەرە وتىرىپ، Qamshy.kz وقىرماندارىنىڭ نازارىنا مىناداي ساۋالناما ۇسىنۋدى ءجون كوردىك.