ۋكراينالىق حاكەر بىلتىر اقش-تىڭ دەموكراتيالىق پارتياسىنا جاسالعان كيبەرشابۋىلعا بايلانىستى تەرگەۋ ءىسى بارىسىندا كۋالىك بەرگەن دەپ جازادى Qamshy.kz اقپارات اگەنتتىگى سentralasian.org سايتىنا سىلتەمە جاساي وتىرىپ.
ۋكراينالىق باعدارلاماشى دەموكراتتار سەرۆەرىنىڭ شابۋىلعا ۇشىراعانىن ءبىرىنشى بولىپ كورگەن. ءبىراق ازىرگە امەريكا بيلىگىنە ونىڭ قانداي اقپارات بەرگەنى بەلگىسىز.
حاكەر Profexer نيكى ارقىلى جۇمىس ىستەگەن. تەرگەۋ ءىسىنىڭ مالىمەتى بويىنشا، ول سايلاۋالدى ناۋقان كەزىندە دەموكراتيالىق پارتيانىڭ سەرۆەرىنە زيان كەلتىرەتىن باعدارلاما ەنگىزگەن. ءبىراق ءوزى ونى پايدالانباعان. The New York Times كەلتىرگەن اقپاراتقا قاراعاندا، باعدارلاماشى ءقازىر ۋكراينادا. امەريكا بيلىگى ازىرگە ونى بەرۋدى تالاپ ەتپەدى. سەبەبى ولاردىڭ قولىندا حاكەردىڭ بۇل باعدارلامانى قانداي ماقساتتا قولدانباق بولعانى جونىندە ناقتى دالەل جوق.
اقش ارنايى قىزمەتى دەموكراتيالىق پارتيانىڭ سەرۆەرىن Fancy Bear توبى بۇزدى دەپ ەسەپتەيدى. ولاردىڭ مالىمەتىنشە، بۇل حاكەرلەردىڭ رەسەي قورعانىس مينيسترلىگىمەن بايلانىسى بار. قاڭتار ايىندا قۇراما شتاتتاردىڭ بارلاۋ قىزمەتى رەسەي پرەزيدەنتى ۆلاديمير پۋتين حاكەرلىك شابۋىلعا تىكەلەي تاپسىرما بەرگەن دەپ مالىمدەگەن. ول وسىلايشا سايلاۋالدى كامپانياعا كەدەرگى كەلتىرىپ، دونالد ترامپتىڭ جەڭىسكە جەتۋىنە كومەكتەسپەك بولعان دەيدى.
ماسكەۋ بولسا بۇل ايىپتاۋلاردىڭ ءبارىن جوققا شىعارىپ، اقش-تاعى سايلاۋعا ەش قاتىسىمىز جوق دەپ وتىر.
