2017 جىلدىڭ سوڭىنا دەيىن پيلوتتىق جوبانى ىسكە قوسۋ جوسپارلانعان، ونىڭ اياسىندا ەلەكتروندى فورماتتا پيك شىعىندارى قاداعالانادى. بۇل جايىندا ق ر ۇكىمەتىندە وتكەن باسپا ءسوز كونفەرەنسياسىندا ق ر يدم قۇرىلىس جانە تۇرعىن ۇي-كوممۋنالدىق شارۋاشىلىعى ىستەرى كوميتەتىنىڭ ءتوراعاسى مارحابات جايىمبەتوۆ حابارلادى، دەپ جازادى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.

جۇيەنىڭ باستى ماقساتى – شىعىنداردى بەكىتۋ، قاراجاتتاردى جۇمساۋ ماسەلەلەرىندە پيك قىزمەتىنىڭ اشىقتىعىن، ايقىندىعىن قامتاماسىز ەتۋ، سونداي-اق باسقارۋشى پيك تاڭداۋدى الدەقايدا اشىق ەتۋ.

«ءقازىر ءبىز اقپارات جانە كوممۋنيكاسيالار مينيسترلىگىمەن، «زەردە» كومپانياسىمەن بىرگە جۇمىس ىستەپ جاتىرمىز. بۇل وتە ماڭىزدى ماسەلە. جىل سوڭىنا قاراي جوبا پيلوتتىق رەجيمدە ىسكە قوسىلادى»، — دەدى مارحابات جايىمبەتوۆ.

ۇيىمداستىرۋشىلار ەلەكتروندى پلاتفورمانى ىسكە قوسقاننان كەيىن پيك جۇمىسى رەتتەلەدى جانە كسك جۇمىسى مەن تۇرعىن ءۇي قاتىناستارىنىڭ كوپ جىلدىق ماسەلەلەرى شەشىلەدى دەپ سەنەدى.