19 تامىزدا شورتاندى يپپودرومىندا ءداستۇرلى ات سپورتى مەرەكەسى وتەدى. بيىلعى جىلى مەرەكە قازاقستان رەسپۋبليكاسىنىڭ مەملەكەتتىك رامىزدەرىنىڭ 25 جىلدىعىنا، استانا قالاسىنداعى ەكسپو-2017 حالىقارالىق كورمەسىنە، قازاقستان رەسپۋبليكاسى كونستيتۋسياسىنىڭ قابىلدانعانىنا  22 جىل تولۋىنا ارنالاتىن بولادى، دەپ حابارلايدى Qamshy.kz اقپارات اگەنتتىگى اقمولا وبلىسى ىشكى ساياسات باسقارماسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

شورتاندى اۋدانىندا 6 جىلدان استام ۋاقىت ارالىعىندا ۇلتتىق ات سپورتى تۇرلەرى بويىنشا  جارىستار وتكىزىلىپ، بۇگىندە لايىقتى ورىنعا يە. ات سپورتى مەرەكەسىن  وتكىزۋدىڭ ماقساتى  سالاۋاتتى ءومىر سالتىن قالىپتاستىرۋدىڭ ماڭىزدى قۇرالى رەتىندە، حالىق اراسىندا ۇلتتىق جانە حالىقتىق ات سپورتى تۇرلەرىن كەڭىنەن ناسيحاتتاۋ جانە دارىپتەۋ، پاتريوتتىق تاربيە جانە سپورتتىق شەبەرلىگىن ارتتىرۋ بولىپ تابىلادى.

قوعامدىق سانانى جاڭعىرتۋ پروسەسى  كەزىندە قازاق حالقىنىڭ ادەت-عۇرپى مەن  ءداستۇرلى مادەنيەتىن زەرتتەۋ، قايتا جاڭعىرتۋ جانە قازىرگى زامانعى قازاقستاندىق مادەنيەتتى دامىتۋى ءبىزدىڭ زامانىمىزدا وزەكتى بولىپ وتىر. ۇلت كوشباسشىسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىندا  زامانا سىنىنان سۇرىنبەي وتكەن وزىق داستۇرلەردى تابىستى جاڭعىرۋدىڭ ماڭىزدى العى شارتتارىنا اينالۋى جاڭعىرتۋدىڭ جەتىستىگىنىڭ ماڭىزدى شارتى ەكەنىن اتاپ ءوتتى. ال ەندىگى ءبىزدىڭ دامۋىمىزدىڭ باستى قاعيداسى – تاريحتى  جانە ۇلتتىق سالت-داستۇرلەردى  ەسكەرە وتىرىپ ىشكى ۇمتىلىستى جاڭارتۋ بولماق.

شورتاندىلىقتار مەن اۋدان قوناقتارىنا مادەنيەتى، ونەرى جانە قازاق حالقىنىڭ ءسالت-داستۇرىنىڭ، باي تاريحى بار  ەتنواۋىل ۇسىنىلاتىن بولادى،  وندا كەز كەلگەن ادام كوشپەلى وركەنيەتتىڭ ەتنومادەني  ورتاسىنا اۋىسادى جانە اۋىلدىڭ كۇندەلىكتى جانە مەرەكەلىك ومىرىنە تولىق كەنەلەدى.

ەتنواۋىلدىڭ ويىن-ساۋىق باعدارلامالارى اراسىندا  اعاش  پەن مەتالدان ساندىك قولدانبالى كورمە، بۇركىتشى مەن اڭشى  يتتەردىڭ كورسەتىلىمدەرى، كوكپار، بايگە 7 شاقىرىم، قۇنان –بايگە، جورعا جارىسى، توق–بايگە، الامان-بايگە، اۋدارىسپاق، قىز-قۋۋ مەن شاباندوزداردىڭ كورنەكى ونەر كورسەتۋلەرى جانە ت.ب. وتەتىن بولادى. ۇيىمداستىرۋشىلار جەرلەستەرى، كۇش سىناسۋدان 4 مارتە الەم رەكوردشى سەرگەي سىرۋلنيكوۆتى دا باستى قوناق ەتىپ شاقىرۋدى ۇمىتپاعان.

اتالعان ءداستۇرلى ات سپورتى ويىندارى مەرەكەسىنىڭ قاتىسۋشىلارىنا ساتتىلىك تىلەيمىز. ۇلتتىق سپورتىمىز دامي بەرسىن!