ساموا تۇراقتى دامۋىنىڭ جاھاندىق ماقساتى: جاڭارتىلاتىن ەنەرگيا كوزدەرىنە قولجەتىمدىلىكتى قامتاماسىز ەتۋ دەپ حابارلايدى Qamshy.kz اقپارات اگەنتتىگى.
جيىننىڭ رەسمي بولىگىندە ساموا قارجى ءمينيسترىنىڭ ورىنباسارى مۋليپولا لەياتاۋا لاكي مۋليپولا ەنەرگەتيكانىڭ كەز-كەلگەن مەملەكەتتىڭ ەكونوميكالىق باعىتىندا اسا ماڭىزدى قۇرال ەكەندىگىن تىلگە تيەك ەتتى. ونىڭ ايتۋىنشا، ەنەرگيا بارلىق سالالارمەن عانا ەمەس، ارالدار، ەلدەر مەن ۇلتتاردى دا بايلانىستىراتىن قاجەتتى رەسۋرس.
«بولاشاق ەنەرگياسى» تاقىرىبىنىڭ ماڭىزدىلىعىن ەسكەرە وتىرىپ، ساموا ۇكىمەتى ەكسپو-2017 كورمەسىنە قولداۋ كورسەتەدى. ادامزاتتىڭ ەنەرگيانى شامادان تىس پايدالانۋى سىندى جاھاندىق ماسەلەلەردى شەشۋدە ەكسپو-نىڭ ماڭىزى زور. ساموانىڭ كليماتتىڭ وزگەرۋi ءجونiندەگi بۇۇ نەگiزدەمەلىك كونۆەنسياسى جانە 2025 جىلعا دەيىن ەلەكتروەنەرگيا ءوندىرىسى ءۇشىن جاڭارتىلاتىن ەنەرگيا كوزدەرىنىڭ 100% قولدانىلۋىن ەنگىزۋ ارقىلى پارنيكتىك گاز قالدىقتارىن قىسقارتۋ جونىندەگى كليماتتىق مىندەتتەمەلەرىنىڭ اينىماستىعىن راستايمىز. تۇراقتى ەنەرگيامەن قامتاماسىز ەتۋ سالاسىنداعى ەنەرگەتيكا سەكتورىنىڭ ماقساتى اياسىندا «ءومىر ءسۇرۋ دەڭگەيىن جاقسارتۋ» اتتى جاڭا مەملەكەتتىك ساياسات كومەگىمەن ساموا وسى ماقساتتى جۇزەگە اسىرۋدا. قازاقستان رەسپۋبليكاسى ۇكىمەتىنە وسى بەدەلدى ءىس-شاراعا قاتىسۋ مۇمكىندىگى ءۇشىن العىسىمىزدى بىلدىرەمىز»، - دەدى ساموا قارجى ءمينيسترىنىڭ ورىنباسارى.
ءوز كەزەگىندە ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى ايدا قۇرمانعالييەۆا قازاقستان مەن ساموا تاۋەلسىز مەملەكەتى جاسىل ەكونوميكا باعىتىندا ءوزارا ءتيىمدى ىنتىماقتاستىقتى قالىپتاستىرىپ، دامىتۋ ءۇشىن زور مۇمكىندىك بار ەكەندىگىن اتاپ ءوتتى. بۇعان 2013 جىلعى 7 اقپاندا، نيۋ-يورك قالاسىندا ەكى ەل اراسىندا قول قويىلعان بىرلەسكەن كومميۋنيكە دالەل.
«قازاقستان ساموا تاۋەلسىز مەملەكەتىنىڭ ءتۇرلى سالالارداعى تاجىريبەسىن زەرتتەۋگە مۇددەلى. ەكى ەلدىڭ الەۋمەتتىك يگىلىگى ءۇشىن سەرىكتەستىككە دايىنبىز. ساموا ەكسپوزيسياسىندا ەنەرگەتيكا سالاسىنداعى سوڭعى جوبالار مەن ەلدىڭ ءسالت-داستۇرى، مادەنيەتى كورسەتىلەدى. ەكسپو-2017 حالىقارالىق مامانداندىرىلعان كورمەسىنە قاتىسقاندارىڭىز ءۇشىن العىس بىلدىرەمىز»، - دەدى ايدا قۇرمانعالييەۆا.
ساموا تاۋەلسىز مەملەكەتى - تىنىق مۇحيتتىڭ وڭتۇستىك تارابىنداعى ساموا ارحيپەلاگىنىڭ باتىس ارالدارىندا ورنالاسقان مەملەكەت. مەملەكەتتىڭ ەكسپوزيسياسى تىڭىق مۇحيت پلازاسىندا ورنالاسقان جانە ەلدىڭ بالامالى ەنەرگيا كوزدەرىن ەنگىزۋ تۋرالى ۇستانىمىن كورسەتەدى. كورمەگە كەلۋشىلەر ساموا تاۋەلسىز مەملەكەتىنىڭ قالىپتاسۋ تاريحى، مادەنيەتى، ءسالت-داستۇرى مەن زاماناۋي ساياسي قۇرىلىمىمەن تانىسۋعا مۇمكىندىك الادى.
