18 تامىزدا ەلىمىزدىڭ باسىم بولىگى بۇرىنعىسىنشا انتيسيكلوننىڭ ىقپالىندا بولادى، سول سەبەپتەن جاۋىن-شاشىنسىز اۋا رايى ساقتالادى. بۇل تۋرالى Qamshy.kz اقپارات اگەنتتىگى قازگيدرومەتتىڭ مالىمەتىنە سۇيەنىپ.

سولتۇستىك پەن شىعىستا اتموسفەرالىق اعىنداردىڭ وتۋىنە بايلانىستى جاڭبىر جاۋىپ، نايزاعاي بولادى، بۇرشاق جاۋۋى مۇمكىن، تۇنگى جانە تاڭەرتەڭگى ساعاتتاردا تۇمان باقىلانادى. كەي جەرلەردە جەلدىڭ كۇشەيۋى كۇتىلەدى.

اقمولا، قاراعاندى وبلىستارىنىڭ كەي جەرلەرىندە نايزاعاي بولادى، بۇرشاق جاۋۋى مۇمكىن، تۇندە جانە تاڭەرتەڭ تۇمان، كۇندىز جەل 15-20 م/س كۇشەيەدى. سولتۇستىك  قازاقستان وبلىسىنىڭ كەي جەرلەرىندە تۇندە تۇمان، كۇندىز نايزاعاي بولىپ، بۇرشاق جاۋۋى مۇمكىن.

پاۆلودار وبلىسىنىڭ كەي جەرلەرىندە نايزاعاي بولىپ، جەل 15-20 م/س كۇشەيەدى، تۇندە كەي جەرلەرىندە تۇمان تۇسەدى.

شىعىس قازاقستان وبلىسىنىڭ كەي جەرلەرىندە نايزاعاي، تۇندە تۇمان بولادى، كۇندىز جەل 15-20 م/س كۇشەيەدى، بۇرشاق جاۋۋى مۇمكىن.

جامبىل، وڭتۇستىك قازاقستان، وبلىستارىندا، تۇندە الماتى وبلىسىندا، كۇندىز قىزىلوردا وبلىسىنىڭ كەي جەرلەرىندە جەل 15-20 م/س كۇشەيەدى، الماتى وبلىسىندا نايزاعايلى نوسەر جاۋىپ، جەل كۇشەيەدى.

اتىراۋ وبلىسىندا، الماتى، باتىس قازاقستان وبلىستارىنىڭ باسىم بولىگىندە، قىزىلوردا، وڭتۇستىك قازاقستان، جامبىل، اقتوبە، شىعىس قازاقستان، قوستاناي وبلىستارىنىڭ كەي جەرلەرىندە وتە جوعارى ءورت ءقاۋپى كۇتىلەدى. باتىس قازاقستان وبلىسىنىڭ كەي جەرلەرىندە قاتتى ىستىق اۋا رايى ساقتالادى.