مەكتەپ وقۋشىلارىنا جاڭا وقۋ جىلىنا ارنالعان وقۋلىقتار تاپسىرىلدى. اتا-انالار 5ء-شى سىنىپقا ارنالعان ورىس ءتىلى ءپانى وقۋلىعىندا كەيبىر تاپسىرمالار مەن سويلەمدەر بىلىمگە ەشقانداي قاتىسى جوق ەكەنىن ايتادى دەپ جازادى Qamshy.kz اقپارات اگەنتتىگى "موي گورود"-قا سىلتەمە جاساپ.

«موي گورود» رەداكسياسىنا اتا-انالار 5ء-شى سىنىپتىڭ ورىس ءتىلى وقۋلىعىنىڭ فوتوسىن جىبەردى.

«ورىس ءتىلى وقۋلىعى ەكى بولىمنەن تۇرادى. ونىڭ اۆتورى - كلوكوۆا، بەلوزوروۆا، يبرايەۆا، سۋلەيمەنوۆا، مۋحانبەتكالييەۆ، كاسىموۆا جانە وپريا. «جەلىلى ادەپ»، «ارمانىمداعى كولىك»، «كولىك جارناماسى» دەگەن تاقىرىپتاردى كوردىم» دەيدى اتا-انا.

اتا-انالاردى «الەۋمەتتىك جەلى ارقىلى پيار جاساۋ»، «الەۋمەتتىك جەلىدە ءلۇپىل باسۋ»، «ەموتيكوندار» دەگەن سوزدەر تاڭقالدىرعان.

«ورىس ءتىلىن وقىتۋعا «پيار جاساۋ» ءسوزىنىڭ نە قاتىسى بار؟ مەنىڭ ويىمشا، بۇل وقۋشىلار مەن ورىس ءتىلى ءپانىن مازاق ەتۋ. وسىنداي وقۋلىقتارمەن بالالارىمىز قالاي ساۋاتتى بولىپ شىعادى؟!» دەدى اتا-انا. 

ايتا كەتەيىك، بيىل 2،5 جانە 7 سىنىپ وقۋشىلارى جاڭا وقۋلىقپەن وقيدى.