شىمكەنتتە 22 جاستاعى ازامات كوپىردەن سەكىرىپ، ومىرىمەن قوش ايتىسپاق بولعان. جاس جىگىت ءوزىن ورداباسىداعى كوپىردەن لاقتىرىپ جىبەرگەن. بۇل تۋرالى Qamshy.kz اقپارات اگەنتتىگى otyrar.kz مالىمەتىنە سۇيەنىپ حابارلايدى.
اۋىر جاراقات العان ازاماتتى جەدەل جاردەم قىزمەتكەرلەرى اۋرۋحاناعا جەتكىزدى. وعان دارىگەرلەر وتا جاساپ، ءومىرىن ارەڭ امان الىپ قالدى. ەكى كۇن بويى جانساقتاۋ بولىمىندە جاتقان جىگىت بۇگىن رەانيماسيادان پالاتاعا اۋىستىرىلدى. بۇل وقيعا ون التىنشى تامىز كۇنى كۇندىز ساعات ۇشتەر شاماسىندا ورىن العان.
وز-وزىنە قول جۇمساعان ازاماتتىڭ جاعدايى جاقسارعانىمەن، بىرنەشە جەرى سىنىپ كەتكەن. ول وزدىگىنەن ءجۇرىپ تۇرا المايدى. دارىگەرلەر سۋيسيد جاساماقشى بولعان جىگىتتى ءالى ون كۇندەي باقىلاۋدا ۇستاماق.
