قازاقستاندىق سپورتشى الداعى كەزدەسۋگە بولجامىن جاسادى دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساي وتىرىپ.

ەرەجەسىز جەكپە-جەكتە ەل نامىسىن قورعايتىن قۋات "نايمان" حاميتوۆ ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەنناديي گولوۆكين (37-0، 33 كو) مەن مەكسيكالىق ساۋل "كانەلو" الۆارەس (49-1-1، 34 كو) اراسىندا وتەتىن كەزدەسۋى تۋرالى ويىمەن ءبولىستى.

"ماكگرەگور – مەيۆەزەر اراسىنداعى كەزدەسۋدىڭ ەرتە وتەتىنىنە بايلانىستى گولوۆكين مەن الۆارەس اراسىنداعى كەزدەسۋ شامالى كولەڭكەدە قالىپ قويدى. شوۋ جاعىنان جانكۇيەر جيناۋ جاعىنان ارتتا قالدى. سوندىقتان دا مما جۇلدىزى مەن الەمنىڭ ۇزدىك بوكسشىسى اراسىنداعى كەزدەسۋدىڭ جانكۇيەرلەرى كوپ بولادى دەپ ويلايمىن. 

گولوۆكين – ءبىزدىڭ وتانداسىمىز. ارينە، جەكپە-جەكتى تاماشالايمىز. تىلەۋىن دە تىلەيمىز. ەكى بوكسشى دا نوكداۋن، نوكاۋتپەن جەڭىسكە جەتەمىز دەپ جاتىر. مەنىڭ ويىمشا، بۇلاي بولمايدى. ەكى بوكسشى دا وسىعان دەيىن 12 راۋندتىق جەكپە-جەكتەن وتكىزدى. ءبىراق الۆارەسكە قاراعاندا گولوۆكيننىڭ قارسىلاسى قيىنداۋ بولدى. سول ءۇشىن الداعى كەزدەسۋ دە 12 راۋندقا سوزىلادى دەپ ويلايمىن. 

ەكى بوكسشىنىڭ دا سوققىسى مىقتى. رينگتى جاقسى سەزىنىپ، ەركىن قيمىلدايدى. دەگەنمەن دە الۆارەس گولوۆكينگە قاراعاندا شاپشاڭداۋ. شەبەرلىگى دە ارتى ءتۇستى. ءبىزدى قىزىق جەكپە-جەك كۇتىپ تۇر. گولوۆكينگە ۇپاي سانى بويىنشا جەڭىسكە جەتۋ قيىن بولادى. ويتكەنى، بۇل بوكس كەشىن "كانەلونىڭ" كومانداسى ۇيىمداستىرىپ جاتىر. ەگەر ءتىپتى گولوۆكين جەكپە-جەك كەزىندە باسىم بولسا دا، ءبارىبىر جەڭىستى مەكسيكالىق بوكسشىعا بەرەدى. گولوۆكين ۇپاي سانى بويىنشا جەڭىسكە جەتۋ ءۇشىن الۆارەستى كەمىندە ەكى رەت نوكداۋنعا ءتۇسىرۋى كەرەك. ءبىرىنشى رەت التىنشى راۋندقا دەيىن، ەكىنشى رەت التىنشى راۋندتان كەيىن. 

گولوۆكيننىڭ دەنەسى ءىرى ءارى تاجىريبەسى مولىراق. سوندىقتان گولوۆكين نوكاۋتپەن جەڭىسكە جەتۋى ىقتيمال. ول قالاي دا جەڭىسكە جەتۋى كەرەك"، – دەيدى حاميتوۆ. 

ەسكە سالايىق، گولوۆكين مەن الۆارەستى دوپينگتەن VADA ۇيىمى تەكسەرگەن. ەسكە سالايىق، بۇل ەكى بوكسشى اراسىنداعى جەكپە-جەك 16 قىركۇيەك كۇنى لاس-ۆەگاستاعى (اقش، نيەۆادا) T-Mobile Arena ارەناسىندا وتەدى. ساۋل كانەلو الۆارەسكە قارسى جەكپە-جەكتە گەنناديي گولوۆكين ورتا سالماقتا WBC، WBA (Super)، IBF جانە IBO چەمپيوندىق اتاقتارىن قورعايدى. مەكسيكالىق "The Ring" جۋرنالىنىڭ بەلبەۋىن باسكە تىگەدى.