بارسەلوناداعى رامبلا باعىندا ورىن العان تەرروريستىك شابۋىل سالدارىنان زارداپ شەككەندەردىڭ اراسىندا قازاقستان ازاماتتارى جوق ەكەنى انىقتالدى دەپ حابارلايدى Qamshy.kz اقپارات اگەنتتىگى. بۇل تۋرالى ق ر ءسىم باسپا ءسوز حاتشىسى ءانۋار جايناقوۆ ءوزىنىڭ فەيسبۋكتەگى پاراقشاسىندا ءمالىم ەتتى.

«الدىن الا اقپارات بويىنشا بارسەلوناداعى تەراكتى سالدارىنان زارداپ شەككەندەردىڭ اراسىندا قازاقستان ازاماتتارى جوق. انىقتاۋ جۇمىستارى جالعاستىرىلۋدا. قازاقستاننىڭ بارسەلوناداعى كونسۋلدىعى جەرگىلىكتى قۇقىق قورعاۋ ورگاندارىنىڭ وكىلدەرىمەن تىعىز بايلانىستا»، – دەپ جازدى جايناقوۆ.

ايتا كەتەيىك، 17 تامىز كۇنى كەشكە بارسەلونادا تەراكت بولدى. سونىڭ سالدارىنان 13 ادام كوز جۇمدى، 100 ادام جارالاندى. قازا بولعاندار مەن جاپا شەككەندەردىڭ اراسىندا 18 ەلدىڭ ازاماتى بار ەكەنى انىقتالعان.

شابۋىلدىڭ جاۋاپكەرشىلىگىن دايش تەرروريستىك ۇيىمى ءوز موينىنا الدى.