قازاقستاندىقتار جىلىنا ادام باسىنا شاققاندا 18-20 كەلى كونديتەرلىك ءونىم جەيدى. مۇنداي اقپاراتپەن الماتىدا وتكەن العاشقى كونديتەرلەر فورۋمىندا ساراپشى ماماندار ءبولىستى دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.

قازاقستان كونديتەرلەر قاۋىمداستىعىنىڭ پرەزيدەنتى ءاليحان تالعاتبەك كونديتەرلىك ونىمدەردىڭ ءوتۋى ادامداردىڭ الەۋمەتتىك جاعدايىمەن تىكەلەي بايلانىستى ەكەندىگىن ايتتى.

«جاعدايلارى وتە ءماز ەمەس بولسا، ادامدار كارامەل، پەچەنە كوپ الادى. جاعدايلارى جاقسى بولسا، كوبىنە شوكولاد، كامپيت جەيدى. كونديتەرلىك سالا ادامداردىڭ جاعدايىن باقىلاۋعا مۇمكىندىك بەرەدى. ساۋدا جۇرمەسە، اپتاپ ىستىق، جاز بوپ تۇر دەگەن ءسوز. جاۋىن جاۋسا، ءتاتتى جەيتىندەر كوبەيەدى»، – دەدى ءاليحان تالعاتبەك 

جۇرگىزىلگەن تالداۋلارعا سايكەس، ءار قازاقستاندىق ازامات 1 جىلدا 18-20 كەلى ءتاتتى جەيدى. بۇگىندە وتاندىق وندىرۋشىلەر جىلىنا 180 مىڭ توننا ءونىم شىعارادى. ونىڭ 120 مىڭى ىشكى نارىققا كەتسە، قالعانى ەكسپورتقا باعىتتالادى.