سينوپتيكتەر 2017 جىلعى 19-21 تامىز ارالىعىنا ارنالعان اۋا رايى بولجامىن جاريا ەتتى، - دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساپ.

سينوپتيكتەردىڭ مالىمەتىنشە، دەمالىس كۇندەرى اۋا تەمپەراتۋراسى كوتەرىلەدى.

قازاقستاننىڭ باسىم بولىگى بۇرىنعىداي انتيسيكلوننىڭ ىقپالىندا بولادى. ەلدىڭ باتىس، سولتۇستىك-باتىس، وڭتۇستىك-باتىس جارتىسىندا جاقىن كۇندەرى جاۋىن-شاشىنسىز اۋا-رايى، كۇندىز تەرمومەتر باعاناسى 28-37 گرادۋسقا دەيىن جىلۋدى كورسەتەدى. رەسپۋبليكانىڭ سولتۇستىك، شىعىس جانە وڭتۇستىك-شىعىس جارتىسىندا كۇن كۇركىرەپ، وتكىنشى جاڭبىر جاۋىپ، جەلدىڭ كۇشەيۋى، بۇرشاقتىڭ ءتۇسۋى مۇمكىن، نەگىزگى تۇنگى تەمپەراتۋرالىق فون 2-12 گرادۋس جىلى، كۇندىز 20-32 گرادۋسقا دەيىن جوعارىلايدى.

سونداي-اق، وڭتۇستىك ايماقتاردا جەلگە بايلانىستى داۋىلدىق ەسكەرتۋ جاريالانعان.

قىزىلوردا وبلىسىندا 19 تامىزدا سولتۇستىك-شىعىس، سولتۇستىك جەلدىڭ كۇشى 15-20 م/س بوپ ساقتالادى. وڭتۇستىك-قازاقستان وبلىسىندا 18-20 تامىزدا تاۋلىك بويى سولتۇستىك-شىعىستان سەكۋندىنا 17-22 مەتر سوققان جەلدىڭ كۇشەيۋى ساقتالادى.