شەتەلدىكتەردىڭ قازاقستاندىق ۆيزاسى بولسا، كوشى-قون كارتالارى كەرەك بولمايدى.
ۇكىمەت ءتولقۇجاتىندا قازاقستاندىق ۆيزا قويىلعان شەتەلدىكتەر ءۇشىن كوشى-قون كارتالارىن الىپ تاستاۋ تۋرالى ۇسىنىستى قولدادى، دەپ حابارلايدى Qamshy.kz اقپارات اگەنتتىگى Sputnik.kz سايتىنا سىلتەمە جاساپ.
بۇل جايىندا "اق جول" پارتياسىنىڭ باسپا ءسوز قىزمەتى مالىمدەدى.
باسپا ءسوز قىزمەتى حابارلاعانداي، ماۋسىم ايىنىڭ سوڭىندا پارتيا قازاقستانعا كەلەتىن شەتەلدىك ينۆەستورلار مەن ماماندار ءۇشىن بيۋروكارتيانى قىسقارتۋدى ۇسىنعان بولاتىن. قولدانىستاعى ەرەجەلەر ينۆەستيسيالىق جوبالار مەن جاڭا كاسىپورىنداردى ىسكە قوسقان كەزدە كەدەرگى بولىپ وتىرعانىن ايتقان ەدى دەپۋتاتتار.
ۆيزا بولا تۇرا شەتەلدىكتەردى كوشى-قون ەرەجەسىن بۇزعانى ءۇشىن جازالاعان مىسالدار بار. قۇجاتتاردى راسىمدەۋ بويىنشا ۇزاق پروسەستەردەن كەيىن شەتەودىك ماماندار كەلەشەكتە قازاقستانعا ورالعىسى كەلمەيدى، دەپ اتاپ ءوتتى پارتياداعىلار.
"دامىعان ەلدەردىڭ حالىقارالىق تاجىريبەسىن ەسكەرە كەلە، قازاقستان رەسپۋبليكاسىنا كىرۋگە رۇقسات بەرەتىن ۆيزا بولعان جاعدايدا كوشى-قون كارتالارىن تولتىرۋدى الىپ تاستاۋ تۋرالى ۇسىنىستى قولدايمىز"، — دەپ جازىلعان ۇكىمەت باسشىسىنىڭ "اق جولعا" بەرگەن جاۋابىندا.
