ۇلتتىق ەكونوميكا ۆيسە-مينيسترى ءمادينا ءابىلقاسىموۆا ۆەنگريانىڭ ۇلتتىق كۇنىندە قازاقستان رەسپۋبليكاسىنىڭ اتىنان ءسوز سويلەي كەلىپ، ۆەنگەرلىك دەلەگاسيانى وسى وقيعامەن قۇتتىقتادى جانە قازاقستان مەن ۆەنگريانىڭ اراسىنداعى ءتۇرلى سالالارداعى ەكىجاقتى ىنتىماقتاستىقتى جوسپارلى تۇردە دامىتۋ، ءوزارا ءىس-قيمىل الەۋەتىن ودان ءارى كۇشەيتۋ ءۇشىن جاعداي تۋعىزۋدى اتاپ كورسەتتى، دەپ جازادى Qamshy.kz اقپارات اگەنتتىگى.    

 «وتكەن جىلعى قازاندا قازاقستان مەن ۆەنگريا اراسىنداعى ستراتەگيالىق كەڭەستىڭ ءبىرىنشى قۇرىلتاي ءماجىلىسى وتكىزىلدى، قازاقستاندىق-ۆەنگەرلىك ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ بەسىنشى وتىرىسى بولىپ ءوتتى. ەكى ەلدەن 150 بيزنەسمەننىڭ قاتىسۋىمەن بيزنەس-فورۋم تابىستى وتكىزىلدى. 2016 جىلدان باستاپ قازاقستاندىق-ۆەنگەرلىك تىكەلەي ينۆەستيسيالاردىڭ ينۆەستيسيالىق قورى اگروونەركاسىپتىك كەشەن سالاسىنداعى جوبالاردى قارجىلاندىرۋدا ءوزىنىڭ بەلسەندى قىزمەتىن باستادى. قازىرگى ۋاقىتتا جەتەكشى ۆەنگەرلىك كومپانيالار قازاقستاندا تابىستى جۇمىس ىستەۋدە. ماسەلەن، 50 بىرلەسكەن كاسىپورىن جۇمىس ىستەۋدە، تاراپتار ولاردىڭ سانىن كوبەيتۋگە مۇددەلى بولىپ وتىر»، - دەدى ق ر ۇەم وكىلى.  

ءمادينا ءابىلقاسىموۆا سونداي-اق قازاقستان جانە ۆەنگريا اراسىنداعى بايلانىستىڭ ورتاق تاريحي تامىرى ءوزارا قارىم-قاتىناستى نىعايتا تۇسەتىنىن اتاپ ءوتتى.

ونىڭ ايتۋىنشا، 2017 جىلعى ءبىرىنشى جارتىجىلدىقتا ەكى ەل اراسىندا ءوزارا ساۋدانىڭ جاندانعانى بايقالادى. ستاتيستيكالىق مالىمەتتەرگە قاراعاندا، تاۋار اينالىمى وتكەن جىلعى ۇقساس مەرزىممەن سالىستىرعاندا 1،6 ەسە ۇلعايدى جانە 80 ملن. اقش دوللارىن قۇرادى.

ا.ج. ماۋسىمدا استانا مەن بۋداپەشتتىڭ اراسىندا تىكەلەي اۋە قاتىناسى اشىلدى.