اقش پەن وڭتۇستىك كورەيا 10 كۇندىك بىرلەسكەن اسكەري جاتتىعۋلارىن باستايدى دەپ حابارلايدى Qamshy.kz اقپارات اگەنتتىگى Ria.ru-عا سىلتەمە جاساپ. اسكەري جاتتىعۋ "ىلچي — فريدوم گارديان" (UFG) دەپ اتالادى. بىرلەسكەن جاتتىعۋ كحدر-دىڭ اشۋىن كەلتىرىپ وتىر.
وتكەن اپتادا كورەيانىڭ قورعانىس مينيسترلىگى جاتتىعۋدىڭ جوسپارىن جاريالاعان. اقش پەن كورەيا اتالمىش وقۋ-جاتتىعۋ قورعانىستى كۇشەيتۋ ماقساتىندا جاسالىپ جاتىر دەگەنمەن، سولتۇستىك كورەيا مۇنى قاتاڭ سىنعا الىپ، سوڭى جامان اياقتالۋى مۇمكىن ەكەنىن ەسكەرتتى.
پحەنيان بۇل جاتتىعۋدىڭ تۇپكى ماقساتى سولتۇستىك كورەياعا كىرۋ ەكەنىنە سەنىمدى.
«وسى جىلى اسكەري جاتتىعۋ وتكەن جىلعىداعىداي اۋقىمدى بولادى» دەدى وڭتۇستىك كورەيانىڭ بىرىككەن شتاب باسشىلارى قارۋلى كۇشتەرى كوميتەتىنىڭ وكىلى.
ايتا كەتەيىك، 2016 جىلى UFG جاتتىعۋىنا 25 مىڭ امەريكاندىق اسكەري قىزمەتكەر قاتىستى.
