ق ر ءدىن ىستەرى جانە ازاماتتىق قوعام مينيسترلىگىندە ۆيسە-مينيستر بەرىك ارىننىڭ توراعالىعىمەن  «قازاقستان رەسپۋبليكاسىنىڭ  كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋ جونىندەگى وتىرىس ءوتتى دەپ حابارلايدى Qamshy.kz اقپارات اگەنتتىگى.

         اتالعان وتىرىسقا قازاقستان مۇسىلماندارى ءدىني باسقارماسىنىڭ باسشىلىق قۇرامى، يمامدار، «ۋاقىپ» قايىرىمدىلىق قورىنىڭ جانە ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ وكىلدەرى مەن ءدىنتانۋشى عالىمدار قاتىستى.

         كەزدەسۋ بارىسىندا وتىرىستىڭ اشىلۋىندا ءسوز العان ۆيسە-مينيستر بەرىك ارىن ءدىني قىزمەت جانە ءدىني بىرلەستىكتەر تۋرالى زاڭنامادا ازاماتتاردىڭ قۇقىقتارىنا كەپىلدىك بەرەتىن جانە قورعايتىن، ەكىنشى جاعىنان ءدىندى ەكسترەميستىك جانە باسقا دا دەسترۋكتيۆتى ماقساتتا قولدانۋ مۇمكىندىگىن تومەندەتۋگە باعىتتالعان قۇقىقتىق نورمالاردى قالىپتاستىرۋ قاجەتتىگىن باسا ايتتى.

         ال، ءدىنتانۋ ساراپتاماسى باسقارماسىنىڭ باسشىسى مىرزايەۆ بالعابەك زاڭ جوباسىنا ەنگىزىلەتىن جاڭاشىلدىقتارعا توقتالدى. ونىڭ سوزىنشە، زاڭ جوباسىندا شەتەلدە ءدىني ءبىلىم الۋ، قوعامدىق ورىنداردا ادامنىڭ بەت بەينەسىن تۇمشالايتىن كيىم تۇرلەرىن كيۋدى شەكتەۋ، ءدىن قىزمەتىنە مەملەكەتتىك قىزمەتكەرلەردىڭ قاتىسۋى، ءدىني جورالعىلار بويىنشا نەكەنى قيعىزۋعا قاتىستى جاڭا نورمالار قابىلداناتىن بولادى.   

بۇدان بولەك، زاڭ جوباسى اياسىندا  باق-تا جارنامالاناتىن  جانە تاراتىلاتىن دەسترۋكتيۆتىك يدەولوگيالىق اعىمداردىڭ  كيىم تۇرلەرىن كيۋگە شەكتەۋ قويۋ كوزدەلگەن. بۇل ءوز كەزەگىندە كامەلەتتىك جاسىنا تولماعان جاسوسپىرىمدەردىڭ زاڭسىز ءدىني اعىمدارعا تارتۋعا قاتىستى جاۋاپكەرشىلىكتى كۇشەيتەدى.  

وتىرىس بارىسىندا قاتىسۋشىلار ءدىن ماسەلەلەرى بويىنشا زاڭنامالىق اكتىلەرگە ەنگىزىلەتىن تۇزەتۋلەردىڭ ماڭىزدىلىعىنا توقتالدى. ولاردىڭ ايتۋىنشا، زاڭ جوباسى ءدىني ەكسترەميزم يدەولوگيالارىنىڭ تاراپ كەتۋىنىڭ الدىن-الۋ بويىنشا جالپى مەملەكەتتىك جۇيەنى قالىپتاسىرۋ جانە مەملەكەتتىڭ زايىرلى قاعيداتتارىن كۇشەيتۋگە نەگىز بولا الادى.

ەستەرىڭىزگە سالا كەتەيىك، اتالعان زاڭ جوباسىنىڭ تولىق نۇسقاسى ق ر ءدىن ىستەرى جانە ازاماتتىق قوعام مينيسترلىگىنىڭ رەسمي سايتىندا جانە «ەلەكتروندى ۇكىمەت» پورتالىندا جاريالانعان.