سيريا باسشىسى اسكەري جەتىستىكتەرگە داماسك وداقتاستارىنىڭ ارقاسىندا جەتكەنىن ءمالىم ەتتى.
سيريا پرەزيدەنتى باشار اساد داماسكىنىڭ باتىس جوسپارلارىنىڭ كۇل تالقانىن شىعارا العانىن ءمالىم ەتتى دەپ جازادى Qamshy.kz اقپارات اگەنتتىگى.
جەرگىلىكتى DW پورتالىنىڭ مالىمەتىنە سۇيەنسەك، سيريالىق باسشىنىڭ ايتۋىنشا، التى جىلعا سوزىلعان ازاماتتىق سوعىسقا ءالى كۇنگە دەيىن نۇكتە قويىلعان جوق.
«سوعىس جالعاسىپ جاتىر. شايقاستىڭ سوڭى نە بولماق، جەڭىس جايىندا قاشان ءسوز قوزعايمىز، بۇل – شەشىمىن تاپپاعان ۇلكەن ماسەلە»، – دەدى اساد.
سونداي-اق، سيريا پرەزيدەنتى «اسكەري جەتىستىكتەر» مەن «سوعىس سالدارىنان كەلگەن شىعىندار مەن قيىندىقتاردى جەڭىلدەتۋ» داماسك وداقتاستارىنىڭ ارقاسىندا جۇزەگە اسقانىن ايتتى.
ولاردىڭ اراسىندا رەسەي، يران جانە حەزبوللاح دەپ اتالاتىن ليۆاندىق راديكالدى شەيىتتەر قوزعالىسى بار.
ودان بولەك، اساد سيرياداعى ۋشىققان ايماقتاردى توقتاتۋدى كوزدەگەن حالىقارالىق كۇشتەردى قولدايتىنىن جەتكىزدى.
پىكىر قالدىرۋ