اتىراۋ مۇناي وڭدەۋ زاۋىتى جانە پاۆلودار مۇناي-حيميا جەتىلدىرۋ جوباسى اياقتالدى دەپ حابارلايدى Qamshy.kz اقپارات اگەنتتىگى.
كەلەسى جىلى شىمكەنت مۇناي وڭدەۋ زاۋىتىن جەتىلدىرۋ جۇمىسى اياقتالادى دەپ جوسپارلانىپ وتىر. بۇل تۋرالى بۇگىن قازاقستاننىڭ ەنەرگەتيكا ءمينيسترى قانات بوزىمبايەۆ مالىمدەگەن بولاتىن.
«مۇناي وڭدەۋ زاۋىتتارىن جەتىلدىرۋ بىتكەن سوڭ، مۇناي وڭدەۋ كولەمى 14،5 ملن. توننادان 17،5 ملن. تونناعا ارتادى. جانارماي، جاعارماي، اۆياكەروسين سياقتى مۇناي ونىمدەرىنىڭ ءوندىرىسى كوبەيەدى. ءبىز كەلەسى جىلدان باستاپ ەلدىڭ ىشكى سۇرانىسىن وتاندىق مۇناي ونىمدەرىمەن تولىقتاي قامتىپ، يمپورتتىق جانار-جاعارمايعا تاۋەلدىلىكتەن قۇتىلا باستايمىز»، – دەدى بوزىمبايەۆ جۋرناليستەرگە بەرگەن سۇحباتىندا.
