21 تامىزدا انتالياداعى جول-كولىك وقيعاسى سالدارىنان 20 تۋريست زارداپ شەككەن بولاتىن. ونىڭ ءبىرى 38 جاستاعى قازاقستاندىق ازامات بولىپ شىقتى، دەپ حابارلايدى Qamshy.kz اقپارات اگەنتتىگى ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساي وتىرىپ.
بۇل تۋرالى ق ر ءسىم باسپا ءسوز قىزمەتىنىڭ باسشىسى ءانۋار جايناقوۆ حابارلادى.
«21 تامىزدا انتاليا-كەمەر باعىتىنداعى تاس جولدا تىركەلگەن جول-كولىك وقيعاسىنان 1979 جىلعى قازاقستاندىق ازامات زارداپ شەكتى. ول قولىنان جاراقات الىپ، اۋرۋحاناعا جەتكىزىلگەن. وعان جەدەل جاردەم كومەگى كورسەتىلىپ، جاراقات العان قولى تىگىلدى. قازاقستاندىق ديپلوماتتار زارداپ شەگۋشىمەن بايلانىس ۇستاپ وتىر. ونىڭ جاعدايى جاقسى. اۋرۋحانادا قالدىرۋ قاجەتتىلىگى تۋىنداعان جوق. ول دەمالىسىن جالعاستىرۋدا»، - دەپ حابارلايدى ق ر ءسىم باسپا ءسوز قىزمەتىنىڭ باسشىسى ءانۋار جايناقوۆ.
