كەلەر جىلدان باستاپ قازاقستان اقشىل مۇناي ونىمدەرىن ەكسپورتقا شىعارۋى مۇمكىن. بۇل تۋرالى ەنەرگەتيكا ءمينيسترى قانات بوزىمبايەۆ ۇكىمەتتەگى بريفينگتە مالىمدەدى.

ونىڭ ايتۋىنشا، وتاندىق مۇناي وڭدەۋ زاۋىتتارى ىسكە قوسىلعاننان كەيىن، ەلىمىزدى وتىننىڭ تۇر-تۇرىمەن قامتيدى. ال ارتىلعان ءونىم ورتا ازيا مەن اۋعانستان مەملەكەتتەرىنە ەكسپورتتالۋى ءتيىس. كاسىپورىنداردىڭ بيۋدجەتىنە تۇسكەن قاراجات ەسەبىنەن جاڭعىرتۋعا الىنعان قارىزدار وتەلەدى. ۆەدومستۆو باسشىسى شىمكەنت زاۋىتى ءقازىردىڭ وزىندە قارا التىندى وڭدەۋگە دايىن ەكەنىن اتاپ ءوتتى. ال اتىراۋ مەن پاۆلودارداعى كاسىپورىنداردىڭ جارامدىلىعى بيىل قاراشا ايىندا تەكسەرۋدەن وتەدى. بۇل تۋرالى Qamshy.kz اقپارات اگەنتتىگى ق ر ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

سونىمەن قاتار مينيستر جاڭارتىلعان نىسانداردىڭ يندۋستريا 4.0 باعدارلاماسىنىڭ ستاندارتتارىنا ساي ەكەندىگىن العا تارتىپ، زاۋىتتاعى جۇمىس قورشاعان ورتاعا ەش زيان كەلتىرمەيتىنىن جەتكىزدى.

ق ر ەنەرگەتيكا ءمينيسترى قانات بوزىمبايەۆتىڭ ايتۋىنشا، قازاقستان مەن رەسەي فەدەراسياسى اراسىندا اقشىل مۇناي ونىمدەرىنە قاتىستى كەلىسىم بار. قۇجاتقا سايكەس ءبىز ونى سىرتقا شىعارا الامايمىز. سەبەبى كورشىلەس ەل بىزگە بەنزين مەن ديزەلدىك وتىندى باج سالىعىنسىز ساتىپ وتىر. ءبىزدىڭ مۇناي وڭدەۋ زاۋىتتارىمىز ىسكە قوسىلعاننان كەيىن، بۇل كەلىسىمدى قايتا قاراستىرامىز.

سونىمەن قاتار مينيستر ەلورداعا قىزىلوردا وبلىسىنان گاز قۇبىرىن تارتۋ جوباسى ازىرلەنگەنىن ايتتى. ونىڭ قۋاتتىلىعى 3 ميلليارد تەكشەمەترگە تەڭ. جوبا قۇنى - 260 ميلليارد تەڭگە. ونى جۇزەگە اسىرۋ ءۇشىن جەكە ينۆەستورلار تارتۋ كوزدەلىپ وتىر.