باقىتجان ساعىنتايەۆ مەملەكەت باسشىسى بەلگىلەگەن مىندەتتەردى ىسكە اسىرۋ اياسىندا جاۋاپتى مەملەكەتتىك ورگاندارعا جانە اكىمدىكتەرگە «نۇرلى جول» مەملەكەتتىك باعدارلاماسى بويىنشا قاراجاتتاردى يگەرۋ ماسەلەسىن تۇراقتى باقىلاۋدا ۇستاۋدى تاپسىردى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ. اسىرەسە ءبىلىم بەرۋ نىساندارى تۇرعىسىنا ەرەكشە كوڭىل ءبولۋ تاپسىرىلدى. وسىعان وراي، ۇلتتىق ەكونوميكا مينيسترلىگىنە اي سايىن نىسانداردىڭ ۋاقىتىلى وتكىزىلۋىنە مونيتورينگ جۇرگىزىپ، ۇكىمەتكە اقپارات بەرىپ وتىرۋ تاپسىرىلدى.

«نۇرلى جەر» باعدارلاماسى بويىنشا ق ر يدم-گە «بايتەرەك» حولدينگىمەن جانە وڭىرلەردىڭ اكىمدەرىمەن بىرلەسىپ 1 قازانعا دەيىن باعدارلاماعا ەكىنشى دەڭگەيلى بانكتەردى بەلسەندىرەك تارتۋ مەن ونى ىسكە اسىرۋدىڭ تيىمدىلىگىن ارتتىرۋ ءۇشىن، باعدارلاما تەتىكتەرىنە تۇزەتۋلەردى قاراستىراتىن ۇكىمەت شەشىمىنىڭ جوباسىن ەنگىزۋ تۋرالى تاپسىرما بەرىلدى.

ق ر يدم-گە ق ر اكم-مەن بىرلەسىپ باعدارلاما تەتىكتەرىن اقپاراتتىق سۇيەمەلدەۋ بويىنشا مەديا-جوسپاردى بەكىتىپ، اتالعان جۇمىسقا وبلىستاردىڭ اكىمدەرىن تارتۋ جۇكتەلدى.

يندۋستريالدى-يننوۆاسيالىق دامۋ مەملەكەتتىك باعدارلاماسى بويىنشا سيفرلاندىرۋ مەن جاڭا تەحنولوگيالاردى ەنگىزۋ ەسەبىنەن باعدارلاما تيىمدىلىگىن ارتتىرۋ قاجەتتىگى بايقالعان. وسىعان وراي، ق ر يدم-گە اكىمدىكتەرمەن جانە مۇددەلى ۇيىمدارمەن باسەكەگە قابىلەتتى ەكسپورتتىق وندىرىستەردى دامىتۋ بويىنشا جۇمىستى ۇيلەستىرۋ تاپسىرىلدى.  

سونداي-اق ق ر پرەمەر-مينيسترى وڭىرلەردىڭ اكىمدەرىنە يندۋستريالاندىرۋدىڭ وڭىرلىك كارتالارى اياسىندا ەنگىزىلگەن، بارلىق توقتاپ تۇرعان كاسىپورىنداردى ىسكە قوسۋ بويىنشا ناقتى جۇمىستاردى جۇرگىزۋدى جانە 1 جەلتوقسانعا دەيىن ولاردىڭ جۇمىسىن قايتا جانداندىرۋدى تاپسىردى.

اوك دامىتۋ بويىنشا، ق ر اۋىل شارۋاشىلىعى مينيسترلىگىنە قازاقستاننىڭ قارجىگەرلەر قاۋىمداستىعىمەن، «اتامەكەن» ۇكپ جانە وبلىستاردىڭ اكىمدەرىمەن بىرلەسىپ ءبىر ايلىق مەرزىمدە ءىرى اگروحولدينگتەردىڭ قارجىلىق ساۋىقتىرۋ جۇمىستارىنىڭ ەگجەي-تەگجەيلى تالداۋىن جاساپ، ۇكىمەتكە ءتيىستى ۇسىنىستاردى جىبەرۋ جۇكتەلدى.

بۇدان وزگە، ق ر پرەمەر-مينيسترى ءوزارا ساقتاندىرۋ قوعامدارىنىڭ قىزمەتىن رەتتەۋ ارقىلى، 2018 جىلعى 1 قاڭتارعا دەيىن وسىمدىك شارۋاشىلىعىنداعى مىندەتتى ساقتاندىرۋ ماسەلەلەرى بويىنشا زاڭناماعا وزگەرىستەر مەن تولىقتىرۋلار ازىرلەۋدى تاپسىردى.

ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن ىسكە اسىرۋ اياسىندا ەڭبەك، ۇلتتىق ەكونوميكا، قارجى جانە اۋىل شارۋاشىلىعى مينيسترلىكتەرىنە وڭىرلەردىڭ اكىمدەرىمەن بىرلەسىپ، ۇكىمەتكە ايماقتىق كۆوتالاردى ۇلعايتۋ، ەلىمىزدىڭ وڭتۇستىك وڭىرلەرىنەن سولتۇستىككە ەرىكتى تۇردە كوشۋگە ىنتالاندىرۋ جانە قاجەتتى ەسەپتەردى دايىنداۋ بويىنشا ۇسىنىستاردى ۇكىمەتكە جىبەرۋ تاپسىرىلدى.

ق ر ۇەم مەن ق ر اشم-گە اكىمدەرمەن بىرلەسىپ، ءبىر اي ىشىندە حالىقتى شاعىن نەسيەلەندىرۋمەن قامتاماسىز ەتۋ كولەمىن ۇلعايتۋ، سونىڭ ىشىندە «بيزنەس – باستاۋ» جوباسى بويىنشا قارجىلاندىرىلعان ستارتاپتاردىڭ ۇلەسىن ارتتىرۋ تۋرالى تاپسىرمالار بەرىلدى. ب. ساعىنتايەۆ ءوڭىر اكىمدەرىنە باعدارلامانى ىسكە اسىرۋ اياسىندا ازاماتتاردى زەينەتاقى جۇيەسىنە جانە مىندەتتى الەۋمەتتىك مەديسينالىق ساقتاندىرۋعا تارتۋ ءۇشىن تۇراقتى جۇمىس ورىندارىن اشۋعا ەرەكشە كوڭىل ءبولۋ كەرەكتىگىن ايتتى.  

ۇلتتىق ەكسپورتتىق ستراتەگيا تۇرعىسىنان ق ر يدم-گە ءتيىستى مەملەكەتتىك ورگاندارمەن بىرلەسىپ، ءبىر ايلىق مەرزىمدە ەكسپورتشىلارعا قولداۋ كورسەتۋ ماسەلەسىندە مينيسترلىكتەردىڭ، جەرگىلىكتى اتقارۋشى ورگانداردىڭ جانە Kazakh Export ۇلتتىق كومپانياسىنىڭ جاۋاپكەرشىلىك ايماقتارىن ءبولۋ بويىنشا ناقتى ۇسىنىستار بەرۋ جۇكتەلدى.

بۇدان وزگە، ق ر ۇەم-گە جاۋاپتى مەملەكەتتىك ورگاندارمەن جانە ۇەۇ-مەن بيزنەسكە «ازاماتتارعا ارنالعان ۇكىمەت» كورپوراسياسىنىڭ قىزمەتى ءتارىزدى مەملەكەتتىك قىزمەتتەردى كورسەتۋ بويىنشا ۇسىنىستاردى زەرتتەپ، ۇسىنۋ تاپسىرىلدى.

مادەنيەت جانە سپورت، ءبىلىم جانە عىلىم، اقپارات جانە كوممۋنيكاسيالار، ءدىن ىستەرى جانە ازاماتتىق قوعام، قارجى مينيسترلىكتەرىنە، وڭىرلەردىڭ اكىمدىكتەرىنە «رۋحاني جاڭعىرۋ» باعدارلاماسى اياسىندا جوبالاردىڭ ۋاقىتىلى ىسكە اسىرىلۋىن جەكە باقىلاۋعا الۋ تاپسىرىلدى.

«العا قويىلعان مىندەتتەردى مۇلتىكسىز ورىنداپ، جۇمىسىمىزعا ءتيىستى تۇزەتۋلەر ەنگىزۋىمىز قاجەتتىگىنە باسا نازار اۋدارۋعا ءتيىسپىز»، – دەدى باقىتجان ساعىنتايەۆ.