تۇركىمەنستان بيلىگى ازيا ويىندارى قارساڭىندا اشحابادتا سپيرتتىك ىشىمدىكتەرگە تىيىم سالدى. جەرگىلىكتى باق-تىڭ جازۋىنشا، استانادا ساۋدا دۇكەندەرىندە الكوگولدى ونىمدەر تولىعىمەن "جوعالىپ كەتكەن". شاراپ ساتاتىن دۇكەندەر دە ۋاقىتشا قىزمەتىن توقتاتقان دەپ حابارلايدى Qamshy.kz اقپارات اگەنتتىگى سentralasian.org سايتىنا سىلتەمە جاساپ.
اسسوشيەيتەد پرەسس (AP) اقپارات اگەنتتىگىنىڭ حابارلاۋىنشا، بيلىكتىڭ اۋىزشا بۇيرىعى بويىنشا الكوگولدى ونىمدەردى ساتۋعا قازان ايىنا دەيىن تىيىم سالعان.
فرانس-پرەسس (AFP) اقپارات اگەنتتىگى ساۋدا مينيسترلىگىنىڭ قىزمەتكەرىنە سىلتەمە جاساپ، سپيرتتىك ىشىمدىكتەرگە 17-27 قىركۇيەك ارالىعىندا وتەتىن ازيا ويىندارىنا بايلانىستى تىيىم سالىپ وتىرعانىن حابارلايدى.
ساۋدا مينيسترلىگىنىڭ قىزمەتكەرى بۇل قوعامدىق ءتارتىپتى قامتاماسىز ەتۋ ماقساتىندا جاسالىنىپ وتىر دەگەن.
15 تامىزدا تۇركىمەنستان ۇكىمەتى اسكەري جانە قۇقىق قورعاۋ ورگاندارىنىڭ قىزمەتكەرلەرى كۇشەيتىلگەن رەجيمدە جۇمىس ىستەيتىنىن مالىمدەگەن. ازيا ويىندارى اياقتالعانشا، ۆيزا بەرۋ شەكتەلگەن.
