اقش پرەزيدەنتى دونالد ترامپ تەرروريستەرمەن كۇرەستى ۇدەتۋ ءۇشىن اۋعانستانداعى امەريكالىق اسكەردىڭ قاتارىن كەڭەيتۋ كەرەك ەكەنىن ايتتى دەپ جازادى Qamshy.kz اقپارات اگەنتتىگى.
«تەرروريستەر مەن اۋعانستان بويىنشا زورلىق-زومبىلىقتىڭ الدى بولىپ وتىرعان قىلمىستىق ارەكەتتەرگە سوققى جاساۋ ءۇشىن ءبىز امەريكالىق قارۋلى كۇشتەردىڭ وكىلەتتىلىگىن كەڭەيتەمىز»، – دەدى اقش باسشىسى.
سونداي-اق، امەريكالىق اسكەرلەردى اۋعانستاننان شىعارۋدى قۇپتامايتىنىن، ونداي جاعداي تەرروريستەر ءۇشىن ۇتىمدى ەكەنىن مالىمدەدى.
بۇدان بۇرىن دونالد ترامپ اۋعانستانعا 4 مىڭ امەريكالىق اسكەر جىبەرگەنى حابارلانعان. ال رەسەيلىك ساياساتكەر كابۋلوۆ اقش قارۋلى كۇشتەرى قانشا تىرىسقانىمەن تەرروريستەردىڭ سانى كەرىسىنشە كوبەيە تۇسكەنىن ايتقان.
