الماتى وبلىسى، تالعارداعى Kaspi Bank بولىمشەسىنە جاسالعان قاراقشىلىق شابۋىل كەزىندە 60 ملن. تەڭگەنى ۇرلاپ كەتكەن دەپ حابارلايدى Qamshy.kz اقپارات اگەنتتىگى time.kz-كە سىلتەمە جاساي وتىرىپ.
قۇقىق قورعاۋ ورگاندارىنىڭ حابارلاۋىنشا، ۇرىلار بانكتە ءبىر ساعات بۇرىن ينكاسساسيا جۇرگىزىلگەنىن بىلگەن. ۇرىلار عيماراتقا شاتىردان ەنىپ، بانك قىزمەتكەرلەرىنە شابۋىلداعان.
مالىمەتتەرگە سۇيەنسەك، ۇرىلار 75 مىڭ دوللاردى، 36 ميلليون تەڭگەنى، 120 مىڭ ءرۋبلدى جانە 3 مىڭ ەۋرونى كوتەرىپ كەتكەن.
ايتا كەتەيىك، كەشە الماتى وبلىسى تالعار قالاسى قونايەۆ كوشەسىندە ساعات 9:20 شامالارىندا بەلگىسىز ادامدار Kaspi Bank بولىمشەسىنە قاراقشىلىق شابۋىل جاساعان بولاتىن.
