ەلىمىزدە ءدىن ىستەرى جانە ازاماتتىق قوعام مينيسترلىگى ءدىن تۋرالى زاڭناماعا وزگەرىستەر مەن تولىقتىرۋلار ەنگىزگەن بولاتىن. سول تۇزەتۋلەردە باق-تا جارنامالاناتىن جانە تاراتىلاتىن دەسترۋكتيۆتىك يدەولوگيالىق اعىمداردىڭ كيىم تۇرلەرىن كيۋگە شەكتەۋ قويۋ كوزدەلگەنىن اتاپ ايتىپ كەتكەن. ءوز كەزەگىندە كامەلەتتىك جاسىنا تولماعان جاسوسپىرىمدەردىڭ زاڭسىز ءدىني اعىمداردى تاراتۋعا قاتىستى جاۋاپكەرشىلىكتى دە باسا نازاردا ۇستاپ وتىر. ناقتىراق ايتقاندا بەتتەرىن تۇمشالاپ، نيقاب پەن پارانجا كيىپ جۇرگەندەر ەندى 200 مىڭ تەڭگەدەن استام ايىپپۇل ارقالاۋى مۇمكىن. ءدىن ىستەرى جانە ازاماتتىق قوعام مينيسترلىگى ءجۇزىن جاباتىن كيىمدەرگە تىيىم سالاتىن زاڭ جوباسىن قىركۇيەكتە پارلامەنتكە تانىستىرماق دەپ حابارلايدى Qamshy.kz اقپارات اگەنتتىگى.

ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆتىڭ ايتۋىنشا بۇل زاڭنىڭ حيدجابقا قاتىسى جوق. حيدجابقا قارسى ەشكىم ەشتەڭە دەمەيدى. حيدجابتى پارانجامەن شاتاستىرۋعا بولمايتىنىن ايتتى.  ءبىراق، مينيستر، پرەزيدەنت ايتقان قاۋعا ساقال مەن قىسقا بالاققا قاتىستى ەشتەڭە ايتپادى.

تاعى دا ايتا كەتەتىنى زاڭ جوباسىندا بالاسىنا ەكپە سالدىرۋدان باس تارتقان اتا-انالارعا دا جازا قاراستىرىلعان. مۇنداي نورما ەنگىزۋگە بىلتىرعى جىلدىڭ وزىندە ەلىمىزدە 10 مىڭعا جۋىق وتباسىنىڭ ءدىني ۇستانىمدارىن العا تارتىپ، ۆاكسينا الۋعا قارسى شىعۋى سەبەپ بولعان. ەندى ەكپەدەن باس تارتقان اتا-انالارعا 20 مىڭ تەڭگە كولەمىندە ايىپپۇل تولەيدى.

ەلباسىمىز نۇرسۇلتان نازاربايەۆ «ءقازىر نەشە ءتۇرلى جاعدايلار ورىن الىپ جاتىر. ءدىنىمىز يسلام، ءبىز ودان كەتكەمىز جوق، ونى قولدايمىز. الايدا، سونىڭ ىشىندە نەشە ءتۇرلى اعىمدار بار. سول اعىمداردا جۇرگەن جاستاردى بىزدەر تاربيەلەپ، جاردەم بەرۋلەرى كەرەك» دەگەن بولاتىن.

ءيا، اركىمنىڭ ءوز پىكىرى بار. ءبىراق حيدجاب پەن پارانجا ەكى ءتۇرلى نارسە. شاتاستىرىپ الۋعا بولمايدى. قازاق مۇسىلمان حالىق. سوندىقتان مۇسىلمان ءوز ۇلتىنىڭ قۇندىلىقتارىمەن اركەز ساناسىپ وتىرعانى ابزال.