اقمولا وبلىسىندا پەرزەنتحانادا شەتىنەپ كەتتى دەگەن قىزىن 14 جىلدان كەيىن جەتىمدەر ۇيىنەن تاپقان اتا-انا اكۋشەرلەردىڭ جازالانۋىن تالاپ ەتۋدە دەپ حابارلايدى Qamshy.kz اقپارات اگەنتتىگى Ktk.kz-كە سىلتەمە جاساپ. ويتكەنى، تۇڭعىشتارى سولاردىڭ كەسىرىنەن «ءتىرى جەتىم» اتانعانىنا سەنىمدى. اقتاس اۋىلىندا تۇراتىن ەرلى-زايىپتى بەيسەنوۆتار ءقازىر ءوز بالاسىن وزدەرى اسىراپ الۋ ءۇشىن قۇجات ازىرلەپ جاتىر. العاشىندا، بۇل جاعدايعا سەنەر-سەنبەسىن بىلمەگەن وتباسى قىزدارىن جۇرتقا كورسەتۋگە باتپاعان ەكەن.

14 جىل تاستاندى اتانىپ، جەتىمدەر ءۇيىن پانالاعان باقىت ءقازىر راسىمەن باقىتتى. ءبىر كۇندە اتا-اناسى تابىلىپ، باۋىرلارىمەن دە قاۋىشتى. ال 2 قىز، ءبىر ۇل تاربيەلەپ وتىرعان ەرلى-زايىپتى بەيسەنوۆتار وسىلايشا قاتارلارىنا تاعى ءبىر قىز قوسىلىپ، كوپبالالى وتباسى اتانىپ وتىر.

باقىت عابدۋللينا:

-ۇيىمە ورالدىم. تۋعاندارىمدى تاپتىم. انام، اكەم، ءىنىم مەن ەكى ءسىڭىلىم بار ەكەنىن بۇرىن بىلگەن جوقپىن عوي. ءقازىر باقىتتىمىن. تۋىستارىم كوپ. 

ال 14 جىل بۇرىنعى وقيعا كوكشەتاۋداعى مىنا پەرزەنتحانادا بولعان. اۋىلدان قالاعا اجەلەرىنە قوناققا كەلگەندە تولعاتىپ قالعان تولقىن وسىندا جەتكىزىلەدى. ءسويتىپ، جۇكتىلىگىنىڭ 5-6 ايىندا بوسانعان. "بوسانۋدىڭ اۋىر بولعانى سونشا، تۇڭعىشىمنىڭ جىلاپ تۋعانىن ەستي الماي، ەسىم كىرەسىلى-شىعاسىلى بولدى"، – دەيدى ول.

تولقىن بەيسەنوۆا، باقىتتىڭ اناسى:

– بار ەسىمدە قالعانى – پالاتاعا الىپ كەلدى. سوندا 1 كۇن جاتتىم. جىلاپ-جىلاپ، مەنى شىعارىپ جىبەردى.

كوپ كەشىكپەي 2 قىزى – فاريزا مەن ۇلجان بىرىنەن سوڭ ءبىرى دۇنيەگە كەلگەن. 7 اي بۇرىن بەيسەنوۆتار ۇلدى بولىپتى. ال تۇڭعىشتارىنىڭ سول جولى 900 گرامم بولىپ تۋىلىپ، جەتىلۋى ءۇشىن اۋرۋحانادا ارنايى ينكۋباتوردا جاتقانىن ولار بىلمەگەن. "دارىگەرلەر بالا ءولى تۋدى دەگەن سوڭ، اۋرۋحانادان شىعىپ كەتتىم"، – دەيدى باقىتتىڭ اناسى. قىزدىڭ ءتىرى قالعانىن ءبىر اي بۇرىن ەستىگەندە، اتا-اناسى ەستەن تانا جازداپتى.

تولقىن بەيسەنوۆا، باقىتتىڭ اناسى:

– باس تارتتىم دەپ، ەشتەڭەگە قول قويعان جوقپىن. ەشتەڭە جازعان جوقپىن. 14 جىلدا قىز، مىسالى قاڭعىرىپ قايدا ءجۇردى، كىممەن بولدى، بىلمەيمىز عوي. ءبىر كىنالى ادام بولۋ كەرەك. جاۋاپ بەرۋ كەرەك.

ءبىراق جاۋاپتى ەشكىم بەرمەيتىن سىڭايلى. ويتكەنى، وبلىستىق پروكۋراتۋرانىڭ نۇسقاۋىمەن دەنساۋلىق ساقتاۋ باسقارماسى قىزمەتتىك تەكسەرىس جۇرگىزگەن. ال ولار باقىتتىڭ اناسىنىڭ ءسوزىن جوققا شىعارىپ وتىر.

بيبىگۇل يمانقۇلوۆا، اقمولا وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى:

– بارلىق مۇراعاتتى اقتارىپ، وسى بالانىڭ تۋۋ تۋرالى قاعازدارىن كوردىك. وندا، مىنە، جەدەل جاردەم قاعازىنا دەيىن ساقتالعان. سول ۋاقىتتاعى زاڭدىلىقتا 6 ايلىق شالا تۋعان بالا «تۇسىك» بولىپ ەسەپتەلەتىن. ءقازىر ءتىرى ادام دەپ تىركەلەدى. اناسىن دارىگەرلەر ىزدەمەدى دەگەنى بەكەر. مىنە، جەدەل جاردەم بەرگەن مەكەن-جاي بويىنشا ونى ىزدەپ بارىپ، بالانىڭ امان ەكەنىن ايتقان قاعاز دا بار.

قىز وسىلايشا اكە-شەشەسى باس تارتقان ءسابي رەتىندە پەرزەنتحانادان ششۋچەدەگى سابيلەر ۇيىنە جىبەرىپتى. ازىرگە بۇل – قىزمەتتىك تەكسەرىستىڭ قورىتىندىسى عانا. ءىستىڭ تولىق ءمان-جايىن قۇقىق قورعاۋ ورىندارى ەندى انىقتايدى.