جۋرناليستەر ۇلتتىق ەكونوميكا ءمينيسترى تيمۋر سۇلەيمەنوۆكە قازاق ءتىلىن ۇيرەنۋگە قاتىستى بەرگەن ۋادەسىن ەسىنە سالدى دەپ حابارلايدى Qamshy.kz اقپارات اگەنتتىگى Sputnik.kz-كە سىلتەمە جاساپ.

ەستەرىڭىزگە سالا كەتەيىك، تيمۋر سۇلەيمەنوۆ جارتى جىل بۇرىن قازاق ءتىلىن ۇيرەنەتىنە ۋادە بەرگەن.

سۇلەيمەنوۆ اقپان ايىنىڭ ورتاسىندا جۋرناليستەردىڭ قويعان سۇراقتارىنا جاۋاپ بەرە وتىرىپ، ماسكەۋدە 5 جىل تۇرىپ، قازاق ءتىلىن ۇمىتىپ قالعانىن ايتقان. ول جارتى جىلدىڭ ىشىندە انا ءتىلىن ۇيرەنۋگە ۋادە بەرگەن.

ۇكىمەت وتىرىسىنان كەيىن ب ا ق وكىلدەرى مينيسترگە ۋادەسىن ەسكە سالدى.

«ءسىز قازاق تىلىندە جاۋاپ بەرەتىنىڭىزدى ايتقانسىز. ءبىز التى اي ءسىزدىڭ مازاڭىزدى الماي، كۇتتىك. ءبىز ءوز ۋادەمىزدە تۇردىق. ەندى ءسىزدىڭ كەزەگىڭىز. جاڭا كەدەن كودەكسىنىڭ ماڭىزدىلىعى تۋراسىندا قازاق تىلىندە ايتىپ بەرىڭىزشى»، – دەدى جۋرناليستەردىڭ ءبىرى قازاق تىلىندە.

تيمۋر سۇلەيمەنوۆ سۇراققا قازاقشا جاۋاپ بەردى.