سوڭعى ءۇش-تورت كۇندە قوستاناي وبلىسىنىڭ ءبىرقاتار اۋدانىندا قۇرعاق ءشوپتىڭ ورتەنۋىنە قاتىستى بىرنەشە فاكتى تىركەلدى، دەپ حابارلايدى Qamshy.kz اقپارات اگەنتتىگى قوستاناي وبلىسىنىڭ توتەنشە جاعدايلار دەپارتامەنتىنە سىلتەمە جاساپ.
وتكەن جەكسەنبى كۇنى مەندىقارا اۋدانىندا 32 گا اۋماقتا قامىس ورتەندى. ءدال وسى كۇنى كەشكە دەنيسوۆ اۋدانىنىڭ پوكروۆ اۋىلدىق وكرۋگىندە 0،5 گا قۇرعاق ءشوپ وتقا وراندى. قامىستى اۋدانىنا قاراستى ليۆانوۆ اۋىلىندا دا 35 گا اۋماقتاعى ءشوپتى ءورت شارپىدى. ال كەشە كەشكە امانگەلدى اۋدانىنا قاراستى ۇرپەك اۋىلى ماڭىندا قۇرعاق ءشوپ جالىندادى.
دالا ورتتەرىن سوندىرۋگە قوستاناي وبلىستىق تجد اۋداندىق بولىمدەرىنىڭ كۇشتەرى مەن قۇرالدارى تارتىلدى، سونداي-اق، اۋىلدىق جەرلەردەگى ەرىكتى ءورت ءسوندىرۋ قۇرىلىمدارى جۇمىلدىرىلدى.
