ءۇندىستان جوعارعى سوتى مۇسىلمانداردىڭ «شۇعىل اجىراسۋ» تاجىريبەسىن كونستيتۋسياعا قايشى دەپ ساناپ، اتالمىش تاجىريبەدەن باس تارتتى، دەپ جازادى Qamshy.kz اقپارات اگەنتتىگى.

جەرگىلىكتى باسىلىمنىڭ مالىمەتىنە سۇيەنسەك، ءۇندىستان جوعارعى سوتى سەيسەنبى كۇنى يسلامنىڭ «ۇشتىك تالاق» تاجىريبەسىن سىنادى. اراب تىلىنەن اۋدارعاندا «اجىراسۋ» دەگەن ماعىنانى بەرەتىن بۇل ءسوز ەلدەگى ەرلى-زايىپتىلاردىڭ ءجيى ايىرىلىسۋىنا اكەلىپ سوقتى. سوت ۇكىمىنە سايكەس، «شۇعىل اجىراسۋ» تاجىريبەسى يسلام ءدىنىنىڭ پرينسيپتەرىنە، سونداي-اق، تەڭدىكتى ايقىندايتىن ەل كونستيتۋسياسىنىڭ 14-بابىنا قايشى كەلەدى.

«شۇعىل اجىراسۋ» – مۇسىلماندارعا جارلارىمەن «تالاق» ءسوزى ارقىلى وزىندىك نازىنا بايلانىستى ايىرىلىسۋعا مۇمكىندىك بەرەتىن وزبىر ارەكەت»، – دەپ كەلتىردى باسىلىم سۋديانىڭ ءسوزىن. داۋلى تاجىريبەدەن باس تارتۋعا بەس سۋديانىڭ ۇشەۋى داۋىس بەرگەن.

«ۇشتىك تالاق» تاجىريبەسى ساۋد ارابياسىندا دا كەڭىنەن تارالعان. مۇسىلمان ەلدەرىنىڭ كوبى اتالمىش تاجىريبەدەن باس تارتقان. ال ءۇندىستان مۇسىلماندارى «ۇشتىك تالاقتى» وسى ۋاقىتقا دەيىن بەلسەندى پايدالانىپ كەلگەن. ونىڭ ۇستىنە، زامان تالابىنا سايكەس ەر ادامدار ايەلدەرىنە «تالاق» ءسوزىن حابارلاما ارقىلى جازىپ جىبەرىپ وتىرعان.