تانىمال پروديۋسەر، تەلەجۇرگىزۋشى ءلايلا سۇلتان قىزى ءوزىنىڭ الەۋمەتتىك جەلىدەگى پاراقشاسىندا باعدارلامانىڭ جابىلۋىن ءتۇسىندىرىپ، 4 جىل بويى وزدەرىمەن بىرگە بولعان كورەرمەندەرگە العىس ايتتى.

بۇل تۋرالى Qamshy.kz اقپارات اگەنتتىگى  ءلايلا سۇلتان قىزىنىڭ فەيسبۋكتەگى پاراقشاسىنا سىلتەمە جاساپ حابارلايدى.

"قىمباتتى كورەرمەن! 2013 جىلدان بەرى كورەرمەندەر كوزايىمىنا اينالعان «ايەل باقىتى» باعدارلاماسى ارنا باسشىلىعى مەن ءبىزدىڭ تاراپتىڭ ورتاق شەشىمى اياسىندا قىركۇيەك ايىنىڭ 1 جۇلدىزىنان باستاپ ەفيرگە شىعۋىن توقتاتادى. وسى ورايدا، ۇلتتىق ارنا باسشىلىعىنا، بىزبەن بىرگە بولعان كورەرمەننىڭ ءارقايسىسىنا جەكە العىسىمىزدى بىلدىرەمىز.

ءتورت جىلدىڭ ىشىندە ەل اراسىندا تانىمالدىلىق پەن جوعارى رەيتينگكە يە بولعان «ايەل باقىتىندا» 1000-عا جۋىق ەفير كورەرمەندەر جۇرەگىنە جول تارتىپ، 3000-عا جۋىق كەيىپكەر قاتىستى. ءسىز بەن ءبىز بولىپ تىكەلەي ەفيردە ءتۇرلى وزەكتى تاقىرىپتاردى قوزعادىق. بۇل جوبا ارقىلى ايەل قاۋىمىنا ءلايلا سۇلتان قىزى مەن “ايەل باقىتى” جوباسىنىڭ ۇجىمى كىشكەنە بولسىن باقىتتىڭ بولشەگىن سىيلادى دەپ ەسەپتەيمىز.

سەبەبى سوڭعى جىلدىڭ وزىندە جوبانىڭ ارقاسىندا 40-قا جۋىق ايەل جۇمىسپەن قامتىلدى. 100-گە جۋىق كەيىپكەرگە قارجىلاي كومەك كورسەتىلىپ، كەيبىرەۋىنە ءالى كۇنگە دەيىن كومەك بەرىلىپ كەلدى. 20 انا بالاسىنا ساپالى ءارى زاماناۋي مەديسينالىق كومەك الدى. جوبا اياسىندا 10 بالاعا مەكتەپ فورماسى مەن دەمالىس لاگەرىنە جولداما بەرىلدى. 3 كەيىپكەرىمىز تولىعىمەن الكوگوليزمنەن ايىقتى. 2 ايەل جاساندى جولمەن انا باقىتىن سەزىندى. 50 ايەل الەۋمەتتىك كومەك الىپ، ءوز كاسىبىن اشتى. 70 ايەل وتباسىن ساقتاپ قالدى. «جار-جار» ايدارى بويىنشا 4 جۇپ قوسىلدى. بۇل باعدارلاما ارقىلى اناسى مەن قىزى 27 جىلدان كەيىن قاۋىشتى. «ۇلگىلى وتباسى» ايدارىنا ەلىمىزدەگى ەڭ بەرەكەلى 150 وتباسى شاقىرىلىپ، باقىتتى بولۋدىڭ سىرىمەن ءبولىستى. كەز كەلگەن ايەلدىڭ تاعدىرىنا بەي-جاي قاراماعان «ايەل باقىتى» باعدارلاماسىمەن بىرگە بولعاندارىڭىزعا تاعى دا راقمەت! جاڭا جوبالاردا جۇزدەسكەنشە!

ءاربiر تەلەونiمنiڭ ءوزiندiك ءومiرلiك سيكلى بار. باعدارلامامىزدىڭ ارقاسىندا جاڭاشىل تەليەۆيزيونششيكتەردiڭ بiر بۋىنى پiسiپ-جەتiلiپ شىقتى. ولار دا ۇيادان ۇشقان قۇستاي وتاندىق تەليەۆيزياداعى باسقا حابارلاردا ورنىن تاپپاق. بۇل جاعداي، ارينە، بiز ءۇشiن ادال بوپ كەلگەن كورەرمەننiڭ كوڭiلiنە قاياۋ ءتۇسiرسە، سارالاپ قاراساق، ءار تاراپ ءۇشiن پايداسى بار جاعداي بولادى. تەلەارنا جاڭا ءونiمدەرمەن تولىعادى، بiزدiڭ كومپانيا جاڭا بەلەستەرگە ۇمتىلادى، ال جۇرەگiندە وتى بار ءار مامانىمىز ءۇشiن بۇل كارەراسىن باسەكەلi نارىقتا ورگە دومالاتۋعا تاعى بiر مۇمكiندiك. باعدارلاما بولىپ باستالعان “ايەل باقىتى” بۇگىندە برەندكە اينالدى دەسەك تە، ارتىق ايتقانىمىز ەمەس. باعدارلاما ەكراننان كەتسە دە، برەندىمىز الەۋمەتتىك جەلىلەردەن، يۋتۋب ارنالارىنان، حالىق نازارىنان كەتپەيدى.

جۋىردا ءبىزدىڭ كومپانيانىڭ mediaprom.kz سايتى تولىققاندى جۇمىسىن باستايدى. كومپانيامىز بەن شىعارماشىلىق توپتىڭ وزگە دە جوبالارى، جاڭالىقتارى تۋرالى سول جاقتان حاباردار ەتiپ تۇرامىز"، – دەپ اتاپ ءوتتى پروديۋسەر.

ايتا كەتەيىك، بۇدان بۇرىن "قازاقستان" ۇلتتىق ارناسىنداعى "ايتۋعا وڭاي" توك-شوۋىنىڭ دا جابىلعانىن ونىڭ جۇرگىزۋشىسى بولعان بەيسەن قۇرانبەك حابارلاعان ەدى.