ارگەنتينا استاناسىندا مىڭداعان ادام بيلىكتەن جاڭا جۇمىس ورىندارىن اشۋدى تالاپ ەتىپ شەرۋگە شىقتى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ.
اكسياعا قاتىسۋشىلار پرەزيدەنت ماۋريسيو ماكريدىڭ ەكونوميكالىق ساياساتىنا نارازى. ويتكەنى ۇكىمەت داعدارىستان شىققان ەل ەكونوميكاسىنا ينۆەستيسيا تارتۋ ءۇشىن جالاقى كولەمىن دە ازايتۋدى قولعا الماقشى.
ورتالىق امەريكاداعى نيكاراگۋادا دا ءدال وسىنداي نارازىلىق اكسياسى ءوتتى. ونى قازىرگى پرەزيدەنت دانيەل ورتەگامەن «ساندينيستا كوتەرىلىسىنە» قاتىسقان قارۋلاس جاقتاستارى ۇيىمداستىردى. ولار بيلىكتەن زەينەتاقىنى كوتەرىپ، باسپانامەن قامتاماسىز ەتۋ ماسەلەسىن شەشۋدى سۇراپ وتىر. ويتكەنى بۇل زاڭمەن قاراستىرىلعان.
ايتا كەتەيىك، 1962 جىلى قۇرىلعان «ساندينيستا ازات ەتۋ مايدانى» اناستاسيو سوموسا بيلىگىمەن كۇرەسىپ، ونى 1979 جىلى تاقتان قۇلاتقان بولاتىن.
