22 تامىزدا ق ر سىرتقى ىستەر ءمينيسترى قايرات ءابدىراحمانوۆ جاپونيا سىرتقى ىستەر ءمينيسترىنىڭ ءبىرىنشى ورىنباسارى كادزۋيۋكي ناكانەنى قابىلدادى دەپ حابارلايدى Qamshy.kz اقپارات اگەنتىگى ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساي وتىرىپ.
اڭگىمە بارىسىندا سۇحباتتاسۋشىلار ق ر پرەزيدەنتى نۇرسۇلتان نازاربايەۆتىڭ 2016 جىلعى قاراشادا جاپونياعا جاساعان جانە جاپونيا پرەمەر-مينيسترى سيندزو ابەنىڭ 2015 جىلعى قازاندا قازاقستانعا جاساعان ساپارلارى ناتيجەسى بويىنشا قول جەتكىزىلگەن ەكىجاقتى ۋاعدالاستىقتاردىڭ ىسكە اسىرىلۋ بارىسىن تالقىلادى. ەكى ەلدىڭ ساۋدا-ەكونوميكالىق جانە ينۆەستيسيالىق-تەحنولوگيالىق سالالارىنداعى الەۋەتىن اشۋعا ەرەكشە نازار اۋدارىلدى.
بيىلعى جىلى اتالىپ وتىرعان ديپلوماتيالىق قاتىناستاردىڭ ورناۋىنا 25 جىلدىعىنىڭ ماڭىزدىلعىن اتاي وتىرىپ، سۇحباتتاسۋشىلار «كەڭەيتىلگەن ستراتەگيالىق ارىپتەستىك» رۋحىندا ەكىجاقتى قاتىناستاردىڭ بارلىق سپەكتورلارى بويىنشا، ونىڭ ىشىندە قازاقستان مەن جاپونيانىڭ بۇۇ قاۋىپسىزدىك كەڭەسىنە مۇشەلىگى اياسىندا جانە «ورتالىق ازيا-جاپونيا» ديالوگى الاڭىندا عالامدىق كۇن ءتارتىبىنىڭ وزەكتى مىندەتتەرىن شەشۋدە ىنتىماقتاستىقتى دامىتۋعا دايىندىعىن راستادى.
كەزدەسۋ بارىسىندا جاپوندىق دەلەگاسيا باسشىسى قازاقستاننىڭ جانە جەكە پرەزيدەنت ن.نازاربايەۆتىڭ ايماقتىق بەيبىتشىلىك پەن قاۋىپسىزدىكتى ورناتۋ ىسىندەگى حالىقارالىق قىزمەتىنە جوعارى باعا بەردى، سونداي-اق جاپون تاراپىنىڭ 2025 جىلى «ەكسپو» حالىقارالىق كورمەسىن وتكىزۋگە وساكا قالاسىنىڭ رەسمي وتىنىمىنە قولداۋ كورسەتۋ بويىنشا ءوتىنىشىن جەتكىزدى.
