Kaspi Bank ۇرىلار تۋرالى اقپارات بەرگەندەرگە بەس ميلليون تەڭگە بەرەدى، دەپ حابارلايدى Qamshy.kz اقپارات اگەنتتىگى بانكتىڭ باسپا ءسوز قىزمەتىنە سىلتەمە جاساي وتىرىپ.
«22 تامىز كۇنى تالعار قالاسىنداعى Kaspi Bank بولىمشەسىنە قاراقشىلىق شابۋىل جاساۋعا قاتىسى بار قىلمىسكەرلەردى ۇستاۋعا مۇمكىندىك بەرەتىن ماڭىزدى اقپاراتتى ۇسىنعاندارعا 5 ميلليون تەڭگە سىياقى بەرىلەدى. بۇل اقپاراتتى بانكتىڭ قاۋىپسىزدىك قىزمەتىنە +7 747 388 29 34 تەلەفونى ارقىلى حابارلاۋعا بولادى»، - دەپ جازىلعان حابارلامادا.
ەسكە سالا كەتەيىك ،22 تامىز كۇنى الماتى وبلىسىنىڭ تالعار قالاسىندا ورنالاسقان Kaspi Bank بولىمشەسىنە قاراقشىلىق شابۋىل جاسالعان بولاتىن. شابۋىل كەزىندە 60 ملن. تەڭگە قولدى بولعان. ۇرىلار بانكتە ءبىر ساعات بۇرىن ينكاسساسيا جۇرگىزىلگەنىن بىلگەن. قاراقشىلار عيماراتقا شاتىردان ەنىپ، بانك قىزمەتكەرلەرىنە شابۋىلداعان.
