جۋىردا ماڭعىستاۋلىق ەتنومادەني بىرلەستىك مۇشەلەرىنىڭ EXPO-2017 كورمەسىنە بارعان ساپارى تۋرالى دەرەكتى فيلم جارىققا شىعادى دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرىپ. ۇزاقتىعى 15 مينۋتتىق تۋىندىدا بىرلىگى جاراسقان 120 ۇلت وكىلىنىڭ تۇتاستىعى مەن ماڭعىستاۋدىڭ استاناداعى مادەني كۇندەرى اياسىندا وتكەن كونسەرتتىك باعدارلامالارىنان ۇزىندىلەر كورسەتىلەدى.
سونداي-اق ولاردىڭ جاھاندىق كورمە پاۆيلوندارىن تاماشالاۋدان العان اسەرلەرى، فوتوسۋرەتتەرى مەن ب ا ق وكىلدەرىنە بەرگەن سۇحباتتارى بولەك كىتاپ بولىپ باسىلىپ شىعادى. ايتا كەتەيىك، 15 جانە 18 تامىز كۇندەرى ەلوردادا «قارت كاسپييدەن سالەم ال، ەركە ەسىل» اتتى ماڭعىستاۋ وبلىسىنىڭ مادەنيەت كۇندەرى وتكەن بولاتىن. جوعارى دەڭگەيدە ۇيىمداستىرىلعان ءىس-شارالارعا باس-اياعى 700 ونەرپاز قاتىستى.
