قىركۇيەك ايىنان باستاپ تۇركيا ەلىندەگى مەكتەپ وقۋشىلارى جاڭا باعدارلاما بويىنشا ءبىلىم الاتىن بولادى، – دەپ حابارلايدى Qamshy.kz اقپارات اگەنتتىگى bbس سايتىنا سىلتەمە جاساي وتىرىپ. جاڭا باعدارلامانىڭ مازمۇنى كەيبىر اتا-انالاردى ۋايىمعا سالىپ وتىر ەكەن.

بار ماسەلە بيلىكتىڭ مەكتەپ باعدارلاماسىندا ءدىني پاندەردىڭ مىندەتتى ءپان رەتىندە وقىتىلۋى بولىپ وتىر.

«تۇركيا ەلىندەگى ءبىلىم جۇيەسى ەشقاشان كەرەمەت بولماعان. ال ءقازىر مەكتەپ باعدارلاماسىنا ءدىني پاندەردى مىندەتتى ەتىپ بەكىتىپ وتىر. ءبىراق ولاردىڭ جيحاد تۋرالى پاندەردىڭ بەكىتىلۋى بارىپ تۇرعان سوراقىلىق دەپ ەسەپتەيمىن»، – دەيدى مەكتەپ وقۋشىسىنىڭ اتا-اناسى.

سونىمەن بىرگە مەكتەپ وقۋشىلارىنا قۇرانداعى دۇعالاردىڭ وقىلۋىن دا ۇيرەتەدى ەكەن. كەيبىر ادامدار بۇل مەكتەپ باعدارلاماسىنا قارسىلىقتارىن بىلدىرۋدە. سەبەبى كوبىسى بالاعا ءدىني ءبىلىمدى مەكتەپتە ەمەس، ۇيدە ۇيرەتۋ كەرەك دەپ ەسەپتەيدى.

تۇركيا ەلىنىڭ بيلىك وكىلدەرى جاڭا وقۋ باعدارلاماسىنان اتاقتى دارۆين تەورياسىن الىپ تاستاعان. ونىڭ ورنىنا جيحاد تۋرالى ءپان وقىتىلاتىن بولادى.

بۇل جاڭالىقتار تۇركيا ەلىنىڭ زايىرلى مەملەكەتتەن يسلام مەملەكەتىنە اۋىسۋىن بىلدىرەدى دەپ ەسەپتەيدى وپپوزيسيا مۇشەلەرى. مەملەكەت باسشىسى ەردوعان دا تۇرىكتەردىڭ بارلىعى بىردەي ءدىندى ۇستانعانىن قالايتىنىن ءبىر ەمەس، بىرنەشە رەت ايتقان بولاتىن.