جامبىل وبلىسىنىڭ پروكۋراتۋراسىندا وبلىستاعى ءدىني بىرلەستىكتەردىڭ جانە جەرگىلىكتى اتقارۋشى ورگانداردىڭ باسشىلارى مەن وكىلدەرىنىڭ قاتىسۋىمەن كەزدەسۋ ءوتىپ، ءدىن سالاسى بويىنشا ۇيىمداستىرۋ شارالارىنداعى وزەكتى ماسەلەلەر تالقىلاندى دەپ حابارلايدى Qamshy.kz اقپارات اگەنتتىگى جامبىل وبلىسى پروكۋراتۋراسىنىڭ باسپا ءسوز قىزمەتىنە سىلتەمە جاساپ.
كەزدەسۋدى اشقان وبلىس پروكۋرورىنىڭ م.ا. ايدوس مايلىبايەۆ بارلىق ءدىني بىرلەستىكتەر وكىلدەرىنىڭ بەيبىت ءومىر ءسۇرۋىن، وبلىس اۋماعىنداعى ۇلتتار مەن ۇلىستاردىڭ سالت-داستۇرلەرى مەن ادەت-عۇرىپتارىنىڭ ءوزارا بايلانىسىن اتاپ ءوتتى.
بۇل بويىنشا بارلىق كونفەسسيا تاراپىنان ءدىن سالاسىنداعى زاڭنامانى قاتاڭ ساقتاۋ باستى تالاپ بولىپ تابىلادى.
شارا بارىسىندا پروكۋراتۋرا ورگاندارىمەن ۇلتارالىق جانە كونفەسسياارالىق كەلىسىمدى ساقتاۋ، جاستارمەن جۇمىس، سونداي-اق، شەتەلدىك تەولوگيالىق وقۋ ورىندارىندا وقيتىندارمەن جۇمىس باعىتتارىنداعى ىسكە اسىرىلىپ جاتقان جوبالاردىڭ قورىتىندىسى ايتىلدى.
قاتىسۋشىلارعا ميسسيونەرلەردىڭ جۇمىسىن ۇيىمداستىرۋداعى، كامەلەتكە تولماعاندارعا ارنالعان جازعى ءدىني كۋرستاردى اشۋ، ءدىني ادەبيەتتەر مەن وزگە دە اقپاراتتىق ماتەريالداردى تاراتۋ بويىنشا ورىن العان فاكتىلەر ايتىلىپ ءوتتى.
مىسال رەتىندە، اعىمداعى جىلى قورداي اۋدانىندا ءتيىستى رۇقساتتارى مەن بىلىكتىلىك تالاپتارىن الماي، جازعى لاگەر تۇرىندە 50-دەن استام كامەلەتكە تولماعانداردى دىنگە وقىتۋ فاكتىسى ورىن العان.
اتالعان زاڭبۇزۋشىلىق ءۇشىن ءدىني بىرلەستىكتىڭ باسشىسىنا وسى قىزمەتپەن اينالىسۋعا تىيىم سالۋ تۇرىندە اكىمشىلىك جاۋاپكەرشىلىككە تارتىلدى.
باسقا جاعدايدا، مەركى اۋدانىندا كىنالى تۇلعا ءدىنتانۋ ساراپتاماسىنىڭ وڭ قورىتىندىسىن الماعان ءدىني ادەبيەتتەردى مەملەكەتتىك شەكارا ارقىلى زاڭسىز وتكىزگەندىگى ءۇشىن اكىمشىلىك جاۋاپكەرشىلىككە تارتىلعان.
بايزاق اۋدانىندا ءوز ءدىني كوزقاراسىن ناسيحاتتاۋ ماقساتىندا كەلگەن باسقا وبلىستىڭ تۇرعىنى، زاڭسىز ميسسيونەرلىك قىزمەتى ءۇشىن جاۋاپكەرشىلىككە تارتىلدى.
ءدىن ىستەرى باسقارماسىنىڭ وكىلدەرى دەسترۋكتيۆتى ءدىني اعىمدار يدەولوگياسىنىڭ الدىن الۋ ماقساتىندا جۇرگىزىلگەن جۇمىستارى جانە سالالىق مەملەكەتتىك باعداردارلاماسىن ورىنداۋ شەڭبەرىندە ءاقپاراتتىق-تۇسىندىرۋ توپتارىمەن جۇرگىزىلگەن جۇمىستارى بويىنشا ەسەپ بەردى.
جيىن سوڭىندا، قاتىسۋشىلارعا قوعامدا قالىپتاسقان داستۇرلەرگە قۇرمەت كورسەتۋ مەن وزگە كوزقاراستارعا تولەرانتتىلىق تانىتۋ ارقىلى زاڭ تالاپتارىنىڭ ورىندالۋى مەن ازاماتتاردىڭ قۇقىقتارىنىڭ ساقتالۋىنا قول جەتكىزۋگە بولاتىندىعى ايتىلدى.
