ۆەنەسيا مەرى لۋيدجي برۋنيارو تەرروريستەرگە ەسكەرتۋسىز وق اتىلاتىنىن مالىمدەدى. بۇل تۋرالى Qاmshy.kz اقپارات اگەنتتىگى ريا نوۆوستيگە سىلتەمە جاساپ حابارلايدى.

«ءبىز يتاليادا تەرروريزمدى جەڭۋىمىز كەرەك. ول ءۇشىن ءوزىمىزدىڭ قورعانىسىمىزدى كۇشەيتىپ جاتىرمىز. ەگەر كىمدە-كىم سان-ماركو الاڭىندا «اللاحۋ اكبار» دەپ ايعايلاي جۇرەتىن بولسا، ويلانباستان وق اتامىز. ءبىر جىل بۇرىن دا وسى تاقىرىپ توڭىرەگىندە ءوز ويىمدى ايتقان بولاتىنمىن. ەندى تەرروريست ءۇش قادام جاساسىمەن وق اتامىز»، – دەپ مالىمدەدى برۋنيارو ريميني قالاسىندا وتكەن حالىقارالىق كوتوليكتەر فورۋمىندا.

يتاليانىڭ ب ا ق وكىلدەرىنىڭ ءبىرازى ۆەنەسيالىق مەردىڭ مالىمدەمەسىن ارانداتۋ دەپ قابىلدادى. الايدا مەردىڭ ءوزى ولاي ويلامايدى.

«بارسەلونامەن سالىستىرعاندا ءبىز كەز كەلگەن جاعدايعا دايىن وتىرمىز. بارسەلونادا قاجەت كەزىندە قورعانىس بولمادى»، – دەپ ايتىپ ءوتتى برۋنيارو.