شقو-داعى جۇمىسپەن قامتۋ مەكەمەلەرى حالىققا جالعان اقپارات بەرىپ كەلگەن. وبلىستىق پروكۋراتۋرا جۇمىسپەن قامتۋ ورگاندارىنىڭ مۇگەدەكتەردى جۇمىسقا ورنالاستىرۋ تۋرالى جالعان اقپارات بەرەتىنىن اشكەرەلەدى. بۇل تۋرالى Qamshy.kz اقپارات اگەنتتىگى altaynews.kz مالىمەتىنە سۇيەنىپ حابارلايدى. 

قاداعالاۋ ورگانى مۇمكىندىگى شەكتەۋلى جانداردىڭ قۇقىقتارىنىڭ ساقتالۋىنا تالداۋ جۇرگىزگەن كەزدە ولاردى جۇمىسقا ورنالاستىرۋ ماسەلەسىنىڭ تۇبەگەيلى شەشىم تاپپاعانىن انىقتادى.

وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى بەرگەن اقپاراتقا سايكەس، اقىرعى ءتورت جىلدىڭ ىشىندە جۇمىسپەن قامتۋ ورىندارىنا جۇمىسقا تۇرۋ ءۇشىن 4016 ەرەكشە جاننان ارىز تۇسكەن، ولاردىڭ 2241ء-ى (55 %- دان استامى) جۇمىسپەن قامتىلعان.

الايدا تەكسەرىس بارىسىندا كورسەتكىشتەر مەيلىنشە ارتتىرىلعانى بەلگىلى بولدى. ءبىر مۇگەدەكتىڭ جۇمىسقا ورنالاسۋى بىرنەشە ادامنىڭ جۇمىسقا تۇرۋى رەتىندە ەسەپكە ەنىپ وتىرعان.

جىل سايىن شامامەن 1200-دەن استام مۇگەدەك جۇمىسپەن قامتۋعا مۇقتاج بولسا، بەكىتىلگەن كۆوتا ارقىلى ونىڭ تەك 10 پايىزى (138 مۇگەدەك) عانا جۇمىس تاپقان.

سوڭعى ءتورت جىل ىشىندە 435 مۇگەدەكتىڭ جۇمىسقا ءوز بەتىمەن ورنالاسقانىن اتاپ ءوتۋ ماڭىزدى.
زاڭ بويىنشا جۇمىس بەرۋشىلەر جۇمىسپەن قامتۋ ورگاندارىنا ءار توقسان سايىن مۇمكىندىگى شەكتەۋلى جانداردى جۇمىسقا قابىلداۋ تۋرالى حابارلاۋى قاجەت. ءبىراق ءىس جۇزىندە جۇمىس بەرۋشىلەردىڭ 70 پايىزى (386 كاسىپورىننىڭ 271ء-ى) جۇمىسپەن قامتۋ ورگاندارىنا ەشقانداي مالىمەت جىبەرمەيدى.

ال جۇمىسپەن قامتۋ ورگاندارى زاڭ تالاپتارىنىڭ بۇزىلعانىن كورە تۇرا اتالعان جايتتار بويىنشا ەڭبەك ينسپەكسياسىنا شاعىمدانبايدى. سول سەبەپتى دە ءتورت جىلدىڭ ىشىندە ءبىر دە ءبىر جۇمىس بەرۋشى اكىمشىلىك جاۋاپكەرشىلىككە تارتىلماعان.

پروكۋراتۋرا قىزمەتكەرلەرى ەڭبەك قۇقى بۇزىلعان جاعدايدا مۇمكىندىگى شەكتەۋلى جاندار قاداعالاۋ ورگانىنىڭ — 8 (7232) 243299 سەنىم تەلەفونىنا حابارلاسا الاتىنىن ەسكەرتەدى.