بۇگىن ورتالىق كوممۋنيكاسيالار قىزمەتىنىڭ الاڭىندا اۋىل شارۋاشىلىعى مينيسترلىگىنىڭ ءبىرىنشى ۆيسە-مينيسترى ق.ايتۋعانوۆتىڭ قاتىسۋىمەن اوك-تى تەحنيكامەن قامتاماسىز ەتۋ تاقىرىبىندا بريفينگ ءوتتى دەپ حابارلايدى Qamshy.kz اقپارات اگەنتتىگى اشم باسپا ءسوز قىزمەتىنە سىلتەمە جاساپ. 

بريفينگكە قارجى ينستيتۋتتارى مەن ماشينا جاساۋ زاۋىتتارىنىڭ وكىلدەرى قاتىستى.

اۋىل شارۋاشىلىعى ءبىرىنشى ۆيسە-مينيسترى ق.ايتۋعانوۆ شارۋالارعا وتاندىق اسپالى جانە تىركەمەلى اۋىل شارۋاشىلىعى تەحنيكاسىن الۋداعى جەڭىلدىكتەردى اتاپ ءوتتى.

بۇگىندە رەسپۋبليكا بويىنشا اۋىل شارۋاشىلىعى تەحنيكاسى نەگىزگى ءتۇرىنىڭ 284 مىڭ داناسى بار. ونىڭ 70%-نىڭ ەكسپلۋاتاسيالاۋ مەرزىمى 15 جىلدان اسادى. اۋىل شارۋاشىلىعى تەحنيكاسىن دامىتۋ جانە جاڭالاۋ ءۇشىن مينيسترلىك تاراپىنان ءبىرقاتار ءىس-شارالار جوسپارى ازىرلەندى.

كورسەتىلەتىن مەملەكەتتىك قولداۋدىڭ ءبىر ءتۇرى – وتاندىق تەحنيكالار مەن جابدىقتارعا جەڭىلدەتىلگەن نەسيە بەرۋ.

«اگرارلىق نەسيە كورپوراسياسى» اق باسقارماسىنىڭ ءتوراعاسى ن.سارىبايەۆ جەڭىلدەتىلگەن نەسيە باعدارلاماسىنىڭ شارتتارى مەن تەتىكتەرى تۋرالى حاباردار ەتتى.

«كازاگرو» ۇبح اق-نىڭ قاراجاتى ەسەبىنەن جىلدىق مولشەرلەمەسى 5،5%-دان اسپايتىن 10 جىلعا دەيىنگى مەرزىمگە شارۋالارعا جەڭىلدەتىلگەن نەسيە بەرۋ قاراستىرىلعان.

وتاندىق كاسىپورىنداردان شىققان اسپالى جانە تىركەمەلى جابدىقتارعا جەڭىلدەتىلگەن نەسيە بەرىلەدى. وسىنداي وتاندىق اۋىل شارۋاشىلىعى تەحنيكاسىن شىعاراتىن كاسىپورىنداردىڭ ءبىرى – اقمولا وبلىسىنداعى «قازاقستان اگرو يننوۆاسيالىق كورپوراسياسى» ج ش س بولىپ تابىلادى.

«قازاقستاندىق اگرو يننوۆاسيا كورپوراسياسى» ج ش س باس ديرەكتورى و.بالىبين اۋىل شارۋاشىلىعى تەحنيكاسىن شىعارۋ جانە ىسكە اسىرۋ بويىنشا ەرەكشەلىكتەردى اتاپ، «كايك» ج ش س قازاقستاننىڭ كەز كەلگەن اۋماعىنا ساتۋعا مۇمكىندىگى بار ەكەندىگىن ايتتى.

اتالعان كاسىپورىن قازىرگى تاڭدا سۇرانىسقا يە باعاسى قىمبات ەمەس اسپالى جانە تىركەمەلى اۋىل شارۋاشىلىعى تەحنيكالارىن شىعارۋدى اتتىراتىندىعىن اتاپ ءوتتى.

قازىرگى تاڭدا اۋىل شارۋاشىلىعى تەحنيكالارىن مەحانيزاسيالاۋ قازاق عىلىمي زەرتتەۋ ينستيتۋتىمەن توپىراق وڭدەۋ جانە ەگىس اۋىل شارۋاشىلىعى تەحنيكاسىن ەگىستىك الاڭدارىنا بەيىمدەپ قۇراستىرىپ بەرۋ بويىنشا كەلىسىم جاسالدى.

اتالعان ءىس-شارا قولدا بار قۋاتتى ارتتىرۋعا مۇمكىندىك بەرەدى. سونىمەن قاتار، ءونىمنىڭ جاڭا تۇرلەرىن اشۋعا، شىعارىلاتىن ءونىمنىڭ تۇرلەرىن كوبەيتۋگە، سيپاتتامالارى بويىنشا شەتەلدىك بالامالارىنان كەم تۇسپەيتىن ساپالى جانە ارزان وتاندىق تەحنيكا ونىمىمەن شارۋالاردىڭ قامتىلۋىنا مۇمكىندىك بەرەدى.