23 تامىزدا «80 Day Race» جارىسىنىڭ ورتاق نەگىزىن سالۋشى فرانك ماندەرس جانە «استانا كونۆەنشن بيۋرو» ج ش س ديرەكتورى سانيار ايتەكەنوۆ «80 Day Race» دۇنيەجۇزىلىك جارىسىنىڭ شاباندوزدارى ايالدايتىن توعىز قالانىڭ ءبىرى رەتىندە استانانىڭ دوداعا قاتىساتىنى جونىندە مەموراندۋمعا قول قويدى دەپ حابارلايدى Qamshy.kz اقپارات اگەنتتىگى.

بۇل جونىندە نيدەرلاند كورولدىگىنىڭ پاۆيلونىندا وتكەن باسپا ءسوز ءماجىلىسى كەزىندە بەلگىلى بولدى. قازاقستاندىق جۋرناليستەر ءىس-شارا اياسىندا اتالعان جارىستىڭ قۇرمەتتى وكىلى اتاقتى بەرتران پيككارمەن، «80 Day Race» جارىسىنىڭ ورتاق نەگىزىن سالۋشى فرانك ماندەرسپەن جانە دە استاناعا ءوزىنىڭ «Nissan Leaf» ەلەكتروموبيلىمەن كەلگەن جارىستىڭ قاتىسۋشىسى كريس رامسيمەن كەزدەسكەن بولاتىن.

«قازاقستان – جاڭا بولاشاقتى جاساپ، قارقىندى دامىپ كەلە جاتقان يننوۆاسيالىق، بيىك ماقساتتاردى كوزدەگەن ەل. ال استانا – ەل دامۋىنداعى ناتيجەلەرەدى ايشىقتايتىن قالا. قازاقستاننىڭ جاڭا دۇنيەلەرگە دەگەن اشىقتىعى جانە دە بولاشاق تەحنولوگيالارعا ينۆەستيسيا قۇيۋعا دەگەن نيەتى ەكسپو-2017 «بولاشاق ەنەرگياسى» جوباسى ارقىلى جۇزەگە اسىپ وتىر. «80 Day Race» جارىسى دا بولاشاق تەحنولوگيالاردى كەڭىنەن تاراتۋدى كوزدەيدى. جوبا جاڭا، تازا، جارقىن كەلەشەككە ءوز ۇلەسىمىزدى قوسساق، تۇراقتى تەحنولوگيالاردىڭ دامۋىنا جاعداي جاساساق دەگەن نيەتىمىزدەن تۋىندادى. استانا «80 Day Race» جارىسىن قابىلداۋعا كەلىسكەنىنە ءبىز اسا قۋانىشتىمىز»، - دەدى «80 Day Race» جارىسىنىڭ ورتاق نەگىزىن سالۋشى فرانك ماندەرس.

«80 DAY RACE» دۇنيەجۇزىلىك جارىسى – 2019 جىلى وتەتىن اۋقىمى جاعىنان تەڭدەسى جوق دودا. ونىڭ اياسىندا 40-قا تارتا كوماندا 40 000 شاقىرىمعا سوزىلعان جولدى ءجۇرىپ ءوتىپ، 80 كۇن ىشىندە پاريجگە ورالۋعا تىرىساتىن بولادى، ولار كۇنىنە 500 شاقىرىمنان اسا جولدى ەڭسەرەتىن بولادى. شاباندوزدار تەك جاڭارتىلمالى قورلاردى تۇتىناتىن جانە دە ىشتەن جاناتىن قوزعالتقىشسىز جۇمىس جاسايتىن كولىكپەن عانا جارىساتىن بولادى.

باسپا ءسوز ماجىلىسىنە كەلگەن سپيكەرلەر اتاپ وتكەندەي، «80 Day Race» سىندى اۋقىمدى دودانى وتكىزۋ يدەياسى نيدەرلاندتا تۋىنداپتى. ءىس-شارانىڭ باستى ماقساتى - ەكولوگيالىق تازا كولىك تۋرالى جانە دە جاسىل تەحنولوگيالاردى كەڭىنەن قولدانۋعا بولاتىندىعى جايلى بۇكىل الەم جۇرتشىلىعىن حاباردار ەتۋ.

 «ءبىزدىڭ الەم حالىقتىڭ ءومىر ساپاسىن جاقسارتۋدىڭ جاڭا جولدارىن تابۋى ءتيىس. قورشاعان ورتامىزدى لاستاپ وتىرعان ەسكى قۇرىلعىلاردى زاماناۋي ءارى تازا تەحنولوگيالارعا اۋىستىرايىق. ەنەرگيانى ۇنەمدەپ، قورشاعان ورتانى قورعاۋعا

مۇمكىندىك بەرەتىن ونىمدەر ارقاسىندا عانا تۇراقتى وسۋگە بولادى. ال بۇگىنگى كۇنى ەكولوگيا مەن ەكونوميكانى بىرىكتىرۋ مۇمكىن بولىپ وتىر»، - دەپ اتاپ ءوتتى باسپا ءسوز ءماجىلىسى كەزىندە «80 Day Race» جارىسىنىڭ قۇرمەتتى وكىلى ب. پيككار.

جارىستى ۇيىمداستىرۋىمەن اينالىسىپ وتىرعان كوماندا وسىنداي دودالاردى وتكىزۋ جاعىنان كوپ جىلدىق تاجىريبەسى بار، اتاپ ايتقاندا، دۇنيەجۇزىنە تانىمال «Paris Dakar» جانە «Volvo ocean race» سىندى جارىستاردى ۇيىمداستىرعان. شاباندوزدار پاريجدەگى ەيفەل مۇناراسىنان باستاپ جولعا شىعىپ، جۇرەتىن جول باعىتىن جانە ەكولوگيالىق كولىگىن وزدەرى تاڭداي وتىرىپ، 8 ءىرى قالا ارقىلى جەر شارىن اينالىپ ساياحات جاساماق.

2017 جىلدان باستاپ كوماندالاردىڭ دايىندىعىن باقىلاپ وتىرعان «National Geographic» تەلەارناسى بۇكىل الەم بويىنشا 4 سەريالىق دەرەكتى ءفيلمدى كورسەتەتىن بولادى. ۇيىمداستىرۋشىلار «80 Day Race» جارىسىن ءاربىر 3 جىل سايىن وتكىزۋدى جوسپارلاپ وتىر.