جوسپارلانعانداي، كەلەسى جىلى ەلوردادا 150 كوپ پاتەرلى ەسكى ءۇي قيراتىلدى، سوعان وراي 600 شارشى مەترلىك 8500 پاتەر پايدالانۋعا بەرىلەدى.

اپاتتى ۇيلەردىڭ يەلەرىنە بۇرىنعى ەسكى پاتەردىڭ ورنىنا قيراتىلىپ تاستالعان ءۇيدىڭ اۋماعىنا سايكەستەندىرىلگەن باسپانا بەرىلەتىن بولادى.

«بۇل 1940-1980 جىلدار ارالىعىندا سالىنعان نەگىزگى قۇرىلىس قۇرىلعىلارى جانە ينجەنەرلىك جۇيەلەر ابدەن توزعان ۇيلەر. ول ۇيلەر ادام ومىرىنە ءقاۋىپ توندىرەدى دەپ تانىلىپ، ءارى قاراي وندا تۇرۋعا رۇقسات ەتىلمەدى. سول سەبەپتەن دە قيراتىپ تاستاۋعا جاتادى. پيلوتتىق جوبانىڭ شارتتارى بويىنشا ۇيلەردىڭ يەلەرىنە قيراتىلىپ تاستالعان ءۇيدىڭ اۋماعىنا سايكەستەندىرىلگەن باسپانا بەرىلەتىن بولادى»، – دەدى قالالىق ءتۇرعىن-ۇي باسقارماسىنىڭ باسشىسى اسحات ەلەۋجانوۆ. 

جىل سوڭىنا دەيىن ەلوردادا «اپاتتى ۇيلەردى قيراتىپ تاستاۋ» پيلوتتىق جوباسىنىڭ ءبىرىنشى كەزەڭىن ىسكە اسىرۋ بويىنشا 228 ءۇيدى قيراتىپ تاستاۋ جوسپارلانۋدا. قيراتىپ تاستاۋعا جاتاتىن ۇيلەردىڭ كوبىسى قالانىڭ وڭ جاعالاۋىندا ورنالاسقان: «سارىارقا» اۋدانىندا – 124 ءۇي، «الماتى» اۋدانىندا – 82  جانە «ەسىل» اۋدانىندا – 22 ءۇي بار.

3500-دەن استام وتباسى جاڭا پاتەرلەرگە قونىس اۋدارادى. 

ونىمەن بىرگە بۇگىندە 1570 وتباسى كولەمىندە 117 اپاتتى ءۇيدىڭ تۇرعىندارى كوشىرىلدى. 

قالعان اپاتتى 111 ءۇيدىڭ تۇرعىندارى 2017 جىلدىڭ ىشىندە كوشىرىلەتىن بولادى: جىل سوڭىنا دەيىن ولارعا 1850 پاتەر بەرىلەدى.