2017 جىلعى 25 تامىزدا قازاقستان رەسپۋبليكاسى مەن بەلگيا كورولدىگى ديپلوماتيالىق قارىم-قاتىناستاردىڭ ورناۋىنىڭ 25 جىلدىعىن اتاپ وتەدى دەپ حابارلايدى Qamshy.kz اقپارات اگەنتتىگى سىرتقى ىستەر مينيسترلىگىنە سىلتەمە جاساي وتىرىپ.

شيرەك عاسىر ىشىندە ەكى ەل اراسىنداعى دوستىق پەن ىنتىماقتاستىق بويىنشا ءوزارا ءىس-قيمىلدى دامىتۋدىڭ جانە نىعايتۋدىڭ بەرىك ىرگەتاسى قالاندى: ەكىجاقتى بايلانىستار دامۋدا، ەلدەردىڭ سىرتقى ساياسي جانە بەيىندى ۆەدومستۆولارى اراسىنداعى ىنتىماقتاستىق نىعايۋدا، شارتتىق-قۇقىقتىق بازا كەڭەيۋدە.

وسى جىلدارى جوعارى دەڭگەيدەگى تۇراقتى كەزدەسۋلەر نەگىزىن سالعان ەكىجاقتى قارىم-قاتىناستار جاڭا ساپالى دەڭگەيگە ءوتتى. تاۋەلسىزدىك جىلدارىندا قازاقستان پرەزيدەنتى ن.ءا.نازاربايەۆ بەلگياعا 8 رەت ساپارمەن باردى. 2010 جىلعى قازاندا ءىرى ىسكەرلىك ميسسيانىڭ باسشىسى رەتىندە مۇراگەر پرينس بەلگيا كورولى ءفيليپپتىڭ قازاقستانعا جاساعان رەسمي ساپارى ساۋدا-ەكونوميكالىق ىنتىماقتاستىقتىڭ ءارتاراپتانۋىنا جانە كەڭەيۋىنە قوسىمشا سەرپىن بەردى.

استانا جانە بريۋسسەل تەرروريزممەن كۇرەس، يادرولىق قارۋسىزدانۋ جانە تاراتپاۋ سەكىلدى نەگىزگى ماسەلەلەردە ۇقساس ۇستانىمدارعا يە. «ولىمنەن دە كۇشتى» اتتى سەمەيدەگى مەموريالدىق نەگىزىندە قازاقستاندىق مۇسىنشىلەرمەن جاسالعان يادرولىق سىناقتاردىڭ قۇرباندارىنا ارنالعان مونۋمەنتتىڭ بەلگيانىڭ يپر قالاسىنا قويىلۋى وسىعان دالەل بولا الادى. سونداي-اق تاراپتار يادرولىق ەنەرگەتيكانى بەيبىت پايدالانۋ سالاسىندا ىنتىماقتاستىقتى دامىتۋدا.

ەكى ەل اراسىنداعى ساۋدا-ەكونوميكالىق قاتىناستار وڭ سەرپىنگە يە. 2010 جىلدان باستاپ 200-دەن استام بەلگيالىق كومپانيالاردىڭ وكىلدەرى قازاقستانعا بيزنەس ميسسيالارمەن كەلدى. قازاقستاندا بەلگيالىق كاپيتالدىڭ قاتىسۋمەن 60 استام كومپانيا جۇمىس ىستەۋدە. سوڭعى ون جىلدىڭ ىشىندە قر-عا سالىنعان بەلگيالىق تىكەلەي ينۆەستيسيالاردىڭ كولەمى 5،4 ملرد. اقش دولل. استى.

قازاقستان بەلگيامەن جان-جاقتى ىنتىماقتاستىقتى ودان ءارى نىعايتۋعا جانە دامىتۋعا نيەتتى.