بۇگىن ەلىمىزدە  جاۋىن-شاشىنسىز اۋا رايى ساقتالادى دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساي وتىرىپ. تەك ەلدىڭ باتىسىندا ازداعان مولشەردە جاۋىن-شاشىن بولادى. سولتۇستىك جانە شىعىس اۋماقتا تۇندە جانە تاڭەرتەڭ تۇمان تۇسەدى. كەي جەرلەردە جەل كۇشەيەدى، وڭتۇستىكتە جانە وڭتۇستىك-باتىستا شاڭدى داۋىل سوعادى.

وڭتۇستىك قازاقستان، جامبىل، قىزىلوردا وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى، شاڭدى داۋىل سوعادى.

كۇندىز باتىس قازاقستان وبلىسىنىڭ  كەي جەرلەرىندە جەلدىڭ جىلدامدىعى 15-20 م/س-عا جەتىپ، جاۋىن جاۋۋى مۇمكىن. قاراعاندى وبلىسىنىڭ كەي جەرلەرىندە قاتتى جەل سوعادى.

شىعىس قازاقستان وبلىسىندا كۇندىز كەي جەرلەردە جەلدىڭ جىلدامدىعى 15-20 م/س بولادى، تۇندە جانە تاڭەرتەڭ كەي جەرلەردە تۇمان كۇتىلەدى.

سولتۇستىك قازاقستان وبلىسىندا تۇندە جانە تاڭەرتەڭ تۇمان كۇتىلەدى. اتىراۋ، الماتى، قىزىلوردا، وڭتۇستىك قازاقستان، جامبىل، باتىس قازاقستاننىڭ كەي جەرلەرىندە، اقتوبە، قوستاناي،  قاراعاندى، شىعىس قازاقستان وبلىستارىندا  وتە جوعارى ءورت ءقاۋپى ساقتالادى. كۇندىز اتىراۋ، ماڭعىستاۋ، اقتوبە، باتىس قازاقستان، قوستاناي، قاراعاندى وبلىستارىندا قاتتى ىستىق اۋا رايى ساقتالادى.