گفر-دىڭ سىرتقى ىستەر مينيسترلىگى زيگمار گابريەلدىڭ ايتۋى بويىنشا پرەزيدەنت تايىپ ەردوعان بيلىكتەن كەتپەيىنشە تۇركيا ەۋرووداققا مۇشە بولا المايدى. بۇل تۋرالى Qamshy.kz اقپارات اگەنتتىگى ريا نوۆوستي-گە سىلتەمە بەرىپ حابارلايدى.
«ءبىز ولاردى وداققا قابىلداعىمىز كەلمەيدى دەگەن ءسوز ەمەس. الايدا ەردوعان بيلىكتە وتىرعان كەزدەگى تۇركيانىڭ قانداي باعىتقا قاراي دامىپ بارا جاتقانى بەلگىلى. ەۋروپاعا كەرى باعىتتا ءوسىپ جاتقانىن ەسكەرسەك، تۇركيا قازىرگى جاعدايدا ەۋروپا وداعىنا كىرە المايتىنى انىق»-دەيدى گابريەل Bild باسىلىمىنا بەرگەن سۇحباتىندا.
ەسكە سالساق، تۇركيا مەن ەو اراسىنداعى قارىم-قاتىناس ەلدەگى اسكەري كوتەرىلىستىڭ ورىن الۋىنان كەيىن ناشارلاعان. ەۋرووداق تۇركيا بيلىگىنىڭ جاپپاي قاماۋعا الۋ سىندى ارەكەتتەرىن سىناپ انكارادان وداققا كىرۋ تۋرالى قۇجاتتاردى قابىلداۋدى توقتاتقان بولاتىن.
پىكىر قالدىرۋ