رەسەي دەلەگاسياسىنىڭ ەكسپو-2017 كورمەسىنە كەلۋىنە بايلانىستى استانا قالاسىنىڭ اكىمى تۇمەن وبلىسىنىڭ گۋبەرناتورىمەن كەزدەستى. بۇل تۋرالى Qamshy.kz اقپارات اگەنتتىگى استانا قالاسى اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى. 

اسەت يسەكەشيەۆ پەن ۆلاديمير ياكۋشيەۆ ەكى قالا اراسىندا ىنتىقتاستىق الەۋەتتەرىن تالقىلادى.

زاماناۋي تۇمەن – مۇناي سەرۆيسىنىڭ (ءونىمدى الۋ جانە تاسىمالداۋ)، ماشينا قۇرىستىرۋدىڭ ءداستۇرلى ورتالىعى. تۇمەن وبلىسى بۇگىندە ەلىمىزدىڭ شەكارالاس ايماعى – سولتۇستىك قازاقستان وبلىسىمەن بەلسەندى ءوزارا ارەكەتتەسەدى.

ەكى كۇنگە جالعاساتىن كەزدەسۋدىڭ اياسىندا وبلىس اكىمشىلىگى ەكسپو-2017 كورمەسىنە بارۋدى جوسپارلاۋدا، كورمەگە قاتىسۋشى ەلدەر ۇسىنعان تەحنولوگيامەن تانىسۋدى كوزدەپ وتىر. اتاپ ايتقاندا قوناقتار رەسەي، فرانسيا، گەرمانيا، تمد ەلدەرى، قازاقستان جانە جۇڭگو ەلدەرىنىڭ پاۆيلوندارىنا ەرەكشە قىزىعۋشىلىق تانىتىپ وتىر.

وڭىردە ينۆەستيسيالىق ساياساتتى دامىتۋ وبلىس باسشىلىعىنىڭ الەۋەتتى باعىتتارىنىڭ ءبىرى بولىپ تابىلادى. وسىعان بايلانىستى شامامەن 50 بيزنەسمەن استاناعا تۇمەن وبلىسىنان قازاقستاندىق كاسىپورىندارمەن بايلانىس ورناتۋ ءۇشىن كەلدى. تۇمەن وبلىسىنىڭ دامۋىنىڭ باستى قوزعاۋشىسى – ءبىلىم بولىپ تابىلادى. وسىعان وراي دەلەگاسيا نازاربايەۆ ۋنيۆەرسيتەتىنە بارۋدى جوسپارلاپ وتىر. 

مەملەكەت باسشىسىنىڭ تاپسىرماسى بويىنشا استانادا 2020 جىلعا دەيىن قالانى دامىتۋ باعدارلاماسى جۇمىس ىستەيدى، سوعان وراي شاھار اقىلى جانە ءقاۋىپسىز قالا رەتىندە قالىپتاسىپ، ءوڭىر اياسىندا ينۆەستورلار مەن يننوۆاسيا ءۇشىن وڭىرلىك حالىقارالىق ورتالىق بولماق.

"قالانىڭ نەگىزگى بولىگى بوس اۋماقتا سالىنعان. ءبىز اۋەجايدان تۇسە سالىسىمەن بۇل شاھاردىڭ جاڭا ينفراقۇرىلىمعا تولى ەكەنىن كوردىك، ساۋلەتى كەرەمەت. ەندىگىدە قالانى تولىعىمەن ارالاۋدى جوسپارلاپ وتىرمىز"، -دەدى رەسەيلىك گۋبەرناتور.